Génesis 32:9 - Bible in Tzeltal de Oxchuc y Tenejapa

⁹ Soc la sc'opon Dios te Jacob, jich la yal: —Cajwal, te Diosat yu'un te jmam Abraham, soc te Diosat yu'un te jtat Isaac, soc ja'at te la awalbon: “Sujt'an bael ta alumal, ta bay awermanotac, ya me jcoltayat”, te la awutone.

Bible in Tzeltal Bachajón

⁹ Patil hich la yal te Jacob: Diosat yu'un te jtat Abraham, soc Diosat yu'un te jtat Isaac, Jehová, ha'at te la awalbon: Suhtan bahel ta alumal soc ta stojol awermanotac, lec ya xc'ohat cu'un, te xchihate,

Génesis 32:9 ပူးပေါင်းရင်းမြစ်များ

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 31:13

Jo'on Dioson te chicnajon ta atojol ta Betel, te bay la atejc'anbon ta jtojol te ton soc la amalbon aceite ta sba, soc te la awalbon ta jc'axel te bila ya apasbon ta jtojole. Jajch'an ta beel jiche, loc'an, sujt'an bael ta alumal ta bay awermanotac”, la yuton —xi' te Jacob.

Génesis 31:29

Te jichuc co'tane, ya cac'bat castigo; ja'uc me to, te Dios yu'un te atat la sc'oponon ta ajc'ubal nax. La yalbon: “Tsajtaya aba, ma me amenuc te bila ya awalbey te Jacob”, la yuton.

Génesis 31:3

Ja' yu'un albot ta yo'tan yu'un te Cajwaltique: —Sujt'anix bael ta alumal ta bay atat soc awermanotac. Ya me joinat bael —xi' sc'oplal yu'un te Diose.

Génesis 31:42

Te manchuc ja'uc joinej te Dios yu'un te Abraham te ich'bil ta muc' yu'un te Isaac, jich nix ma'yuc bila la awac'bon quich' sujt'el te jichuque. Pero Dios la sna'bon jwocol, soc la yil bit'il bayal at'ejon, jich yu'un la scomat ta ajc'ubal te naxe —la yut.

Génesis 31:53

Ja' me ya yilotic te Dios yu'un te amam Abraham soc te Dios yu'un te jmam Nacor —xi'. Jich la yal ta jamal te Jacob ta stojol te Dios te yich'oj ta muc' te state, ja' te Isaaque.

Génesis 32:8

Yu'un la yal ta yo'tan: “Teme ya xtal ta uts'inel yu'un Esaú te jchajbe, jichuc, pero ya xcol te jchajp xane”, xi'.

Génesis 49:25

Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

2 Crónicas 20:12

Dios cu'untic, ¿ma bal yacuc awac'bey castigo? Melel te jo'otique ma me ayuc quiptic te ya cac'bey jbajtic guerra soc te bayal soldadoetic te ya xtal yac'botic guerra. Ma jna'tic bila ya jpastic yu'un. Jich yu'un ja' nax me cac'oj jsitic ta atojol te ja'ate —xi' ta sc'oponel Dios te Josafat.

2 Crónicas 20:6

jich la yal ta sc'oponel te Diose: —Cajwal, te Diosat yu'un te antiguo jme'-jtat cu'untic, ja'at Diosat yu'un ch'ulchan, ja'at ya xmandalajat yu'un spisil te nacionetique. Ay ta ac'ab te awip soc te awu'ele, mero ma'yuc mach'a ya stoy sba soc yip ta atojol.

2 Crónicas 32:20

Ja' yu'un te muc' ajwalil Ezequías soc te j'alwanej Isaías, te snich'an Amoz, la sc'oponic te Diose, la sc'anic coltayel ta ch'ulchan.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Jeremías 32:16

C'alal laj co'tan yac'bel ta sc'ab contrato te Baruc snich'an Nerías, ta swenta te q'uinal la jmane, jich ochon ta sc'oponel te Cajwaltique:

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.