Génesis 32:4 - Bible in Tzeltal de Oxchuc y Tenejapa

⁴ La yalbey mandal: —Jich me ya xc'o awalic ta stojol: “La yal tel sc'op te awabat Jacob: Bayal c'aal la sjoin te Labán, tey jalajem a ja' to ta ora to.

Bible in Tzeltal Bachajón

⁴ Hich la yalbe bahel: Hich xawalbe te cajwal Esaú: Hich ya yal te awa'bat Jacob: La joquin ta nahinel te Labán, tey halajon a ha to suhton tal ta ora ini.

Génesis 32:4 ပူးပေါင်းရင်းမြစ်များ

1 Pedro 3:6

Jich bit'il te Sarae, la xch'uunbey smandal te Abrahame. “Cajwal”, xi' ta stojol. Jich yu'un ja'ex antsetic, yantsil-alex Sara teme lec te bila ya apasique, soc teme ma'yuc bila ya xiw awo'tanic yu'un.

San Lucas 14:11

Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel —xi' te Jesuse.

Eclesiastés 10:4

Teme ya x'ilin ta atojol te mach'a ochem ta ajwalil, ma me ja'uc xawijq'uitay awat'el yu'un; melel ja' poxil c'oem yu'un te mach'a ya sta falta, te lamal awo'tan ya awac' aba ta stojol.

Proverbios 15:1

Te t'ujbil sujt'ib c'op, ya xlamaj yu'un te ilimbae; yan teme tulan te sujt'ibe, ya xtoy xan yu'un.

Proverbios 6:3

Jnich'an, te bi ya awut ya acoltay aba te bit'il ayat ta c'abal yu'un te yane, jich me xapas: Cujch'uc me awu'un te q'uexlale, baan, ila awil te mach'a c'ux ta awo'tane.

1 Reyes 20:32

Jich la slapic ch'ixal pac', soc la xoj lazo ta snuq'uic. Bajt'ic ta stojol te muc' ajwalil yu'un Israel, jich c'o yalbeyic: —Te Ben-adad ya yalbat wocol ta atojol te muc' ajwalilate: ja' te yacuc laj apasbey perdón, te yacuc laj awac' xan cuxinuque —xiic c'oel. La sjac' te Acab: —¿Cuxul to bal jiche? Te jo'one jich ta co'tan te bit'il mero quermano —xi'.

1 Samuel 26:17

Te c'alal Saúl la sna'bey sba ta sc'op te David, jich la yal: —¿Ja'at bal jiche, jnich'an David, te yacat ta c'ope? —xi'. La sjac' te David: —Ja', cajwal, muc' ajwalil cu'un.

Éxodo 32:22

Te Aarón la sjac': —Cajwal cu'un, ma x'ilinat ta jtojol. Te ja'ate ya me ana'bey ta lec yo'tanic te lum, te ya smulanic spasel te bila ma lecuque.

Génesis 33:8

Te Esaú la sjojc'obey: —¿Bistuc awu'un te chambalametic te bayal la jta ta be? —la yut. La sjac' te Jacobe: —Swenta yu'un ayuc me yutsil awo'tan ta jtojol ja'at te cajwalate —xi'.

Génesis 32:18

“Ja' amajt'an yu'un te awabat Jacob, te la sticunbat tele te yajwalate, soc patil yac ta talel”, ya me awut —xi'.

Génesis 32:5

Ayix swacax, sburro, xchij, soc ayix manbil winiquetic soc antsetic yu'un. Jich yu'un la sticunbat ta alel, yu'un ja' ya sc'an te ayuc yutsil awo'tan ta stojol”, xaex me ya xc'oex —xi' te Jacobe.

Génesis 27:37

Te Isaac la yalbey te Esaú: —¿Bi c'an cutat? La jc'anix te ya yabatinat, soc la jc'anbeyix yabatin spisil yermanotac. Chapalix cu'un, la jc'anbeyix trigo soc vino. ¿Bi xan ya jc'anbat ja'at, jnich'an? —xi'.

Génesis 27:29

Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Génesis 23:6

—Tatic, aiybon awaiy te bila ya calbat: Bayal ayat ta ich'el ta muc' cu'untic, chican banti ya amulan ya amuc ta muquenal cu'untic te mach'a lajem awu'une. Ma'yuc mach'a bi ya yalbat yu'un —xiic.

Génesis 4:7

Te yu'unuc lec te awat'ele, ¿ma bal lecuc ac'oplal ya xc'oat yu'un te jichuque? Yan teme ma lecuc te awat'ele, ja' me ya yabatinat te mulile. Ja'uc me to, ya xju' awu'un scomel te mulil te jichuque —la yut.

Génesis 31:41

Jich la jpas spisil ora te jtab ja'wil joinejat. Chanlajuneb ja'wil la cac' jba ta abatinel awu'un ta swenta te cheb awantsil-nich'nabe. Soc waqueb xan ja'wil la cac' jba ta abatinel ta atojol yu'un te la awalbon te ya awac'bon a te chambalametic awu'une. C'ax bayal buelta la asujt'es ac'op, ma ja'uc jtojol c'ot awu'un te bila la awalbon ta neelale.

Proverbios 25:15

Teme cujch' yu'une, ya xlamaj te ilimbae; teme lamal te c'ope, ya slajinbey yip ta jc'axel.

Génesis 25:30

Jich yu'un la yalbey te Jacob: —Yacuc awac'bon jtebuc jwe' te atsajal cheneq'ue, yu'un ya xlajon ta wi'nal —xi'. (Ja' swentail te bit'il Edom sbiil a c'ot te Esaú.)

Génesis 33:14

Jich yu'un te ja'ate, ja' lec ya xneelajat bael. Patil ya xtalon ta c'unc'un, chican bit'il ya xju' yu'un te chambalametic soc te alaletique. Ya xc'o jta jbajtic ta Seir —xi'.

Génesis 36:8

Jich c'o nainuc ta witstiquil Seir te Esaú te Edom yan sbiile.

Génesis 36:9

Jich sbiilic te sts'umbal Esaú, te stat te edometic te ayic ta witstiquil Seir:

Jueces 5:4

“C'alal loc'at tel ta Seir, Cajwal, c'alal loc'at ta aquiltic yu'un Edom, nijc' te lumq'uinal, nijc' te ch'ulchane, te tocaletic la smalic coel tel ja'al.

Isaías 21:11

J'alwanej c'op ta stojol Edom: Ay mach'a la yawtayon c'alal ta Seir: —J'il-q'uinal, ¿jayebix ora yijc'ubel q'uinal? J'il-q'uinal, ¿jayebix ora yijc'ubel q'uinal? —xi'.