Génesis 3:8 - Bible in Tzeltal de Oxchuc y Tenejapa

⁸ Te c'alal yaquix ta malel c'aal a, te winic soc te antse la yaiybeyic sc'op te Cajwaltic Dios te yac ta beel ta awalts'unubile. Ora c'an snac' sbaic ta sit Cajwaltic Dios ta bay yolil te'etic te ayic ta awalts'unubile.

Bible in Tzeltal Bachajón

⁸ Patil te winic soc te ants la ya'iybeyic sc'op te Jehová Dios te yac ta c'axel ta ts'umbil q'uinal te c'alal ya sicub q'uinal ta tibiltic, hich la snac' sbahic ta stojol te Jehová Dios ta yohlil te te'etic ta ts'umbil q'uinal.

Génesis 3:8 ပူးပေါင်းရင်းမြစ်များ

Génesis 18:33

Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.

Génesis 3:10

La sjac' te winique: —La caiy stojol yacat ta beel ta yolil awalts'unubil. Xiwon, yu'un t'analon, jich la jnac' jba —la yut.

Job 31:33

Ma'yuc bi ora ma ba caloj te falta cu'une, ma jichucon bit'il yantic te ma xyalique, ni ma'yuc bi ora jnopoj te ya jmuc ta co'tan

Job 38:1

Te Job c'oponot yu'un Cajwaltic ta yolil buen tulan yic'al ja'al, jich la yal te Cajwaltique:

Proverbios 15:3

Te Cajwaltic sitinej spamal balumilal, yac ta yilel mach'atic lec yo'tanic soc mach'atic amen yo'tanic.

Jeremías 23:24

¿Mach'a ya xju' ya snac' sba ta jsit? Melel te jo'one ayon ta ch'ulchan soc ta balumilal. Jo'on Ajwalilon, jich ya cal.

Oseas 10:8

Te toyol ch'uunjibaletic ya me yich'ic jinel, te bay la sle smul a te Israele. Ta bay sba te scajtijib majt'aniletic yu'unique ya me xch'i tel ch'ixetic tey a soc jot'awal-ch'ixetic. Te ants-winiquetic jich me ya yalbey te witstiquile: “Mucawotic”, xiic me. Soc ya me yalbeyic te ch'in witsetique: “Ch'ayuc tel ta jbatic”, xiic me.

Levítico 26:12

Spisil me ora ya xbeenon ta awolilic; jo'on me te Dioson awu'unique, ja'ex me te lumex cu'une.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Romanos 2:15

Melel tey chican ta ilel a ta swenta te bila ya spasic te bit'il ts'ibubil ta yo'tanic te mandalile. Jich ya sna'ic stsajtayel yo'tanic, te melel ta yo'tanic nax sna'ojic stojol teme ma lecuc te bila ya spasique o teme lec te bila ya spasique.

Deuteronomio 23:14

Melel te Cajwaltic te Dios cu'untic ya xbeen ta awolilic ta banti campamento awu'unic, ya me sc'an te ch'ultesbil awu'unic te yawil, swenta yu'un ma me ayuc bila amen ya yil tey a te Diose. Teme ma ba ya ach'uunic spasele, ya me xch'ayex jilel te Diose.

Deuteronomio 4:33

¿Ay bal jich lum yaiyoj te ya xc'oponot yu'un Dios ta yolil c'ajc', te ma ba lajic yu'une, jich te bit'il ja'exe?

Deuteronomio 5:25

Pero, ¿bi yu'un ya cac' slajinotic te c'ajc' mero xiweltic sbae? Teme ya caiybeytic xan sc'op Cajwaltic te Dios cu'untique, ya me xlajotic yu'un.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Apocalipsis 6:15

Te muc' ajwaliletic te ayic ta balumilale soc te mach'atic muc' sc'oplalique soc te jc'ulejetique soc te capitán-soldadoetique soc te mach'atic ay yipique soc te abatetique soc te mach'atic ayic ta libre, la snac' sbaic ta nailch'en soc ta toyol witstiquil.