Génesis 3:4 - Bible in Tzeltal de Oxchuc y Tenejapa

⁴ Te chan jich la yalbey te antse: —Ma meleluc. Ma sna' xlajat yu'un.

Bible in Tzeltal Bachajón

⁴ Te chan hich la yalbe te antse: Ma ba ya xchamex yu'un.

Génesis 3:4 ပူးပေါင်းရင်းမြစ်များ

Génesis 3:13

Jich yu'un te Cajwaltic Dios la sjojc'obey te antse: —¿Bi yu'un jich la apas? —xi'. La yal te antse: —Ja' la slo'layon te chane, jich la jlo' te sit te'e —xi'.

Génesis 3:3

ja' nax te sit te' te ay ta yolil awalts'unubile, yalojbotic te Diose: “Ma me xalo'bey sit stuquel, soc ma me x'apicbey sit stuquel, ya me xlajat yu'un”, xi' te Diose —la yut.

2 Reyes 1:16

Jich c'o yalbey: —Jich ya yalbat te Cajwaltic: “Te bit'il la aticun abatetic awu'un te ba sjojc'obeyic Baal-zebub te lotil dios yu'un te lum Ecrón, jich c'ot awu'un te bit'il ma'yuc Dios ta sq'uinal Israel te ya xju' ya ajojc'obeye. Ja' yu'un ma ba ya xjajch'atix ta awayib, ya me xlajatix”, xi' te Cajwaltic —la yut.

2 Reyes 1:4

Soc albeya yaiyic, te jo'on Ajwalilon ya calbey te Ocozías te ma ba ya xjajch'ix ta swayibe, tey me ya xlajix a —la yut. Te Elías bajt', jich c'o spas te bit'il albote.

2 Reyes 1:6

La sjaq'uic: —Melel loc' staotic jtul winic. La yal te ya sujt'otic ta stojol te muc' ajwalil la sticunotic baele, soc te jich ya calbeytique: “Te Cajwaltic Dios jich ya yalbat: ‘¿Yu'un bal ma'yuc Dios ta sq'uinal Israel jiche te ay bi ya aticun ta jojc'oyel te Baal-zebub te dios yu'un lum Ecrón? Ta scaj te jich la apase, ma ba ya xjajch'atix ta awayib, tey me ya xlajatix a’, xi' te Diose”, utaic me —xiic.

2 Reyes 8:10

Jich jac'bot yu'un te Eliseo: —Baan albeya te ya to xc'ax yu'un te chamele. Ja'uc me to la yac'bonix jna' te Cajwaltic te puersa ya xlaje —xi'.

2 Crónicas 18:21

Te espíritu la sjac' te ya yac'bey yalic lot yu'un spisil te j'alwanejetic yu'un te muc' ajwalile. Jich te Cajwaltic la yal te ya me xju' yu'un slo'lay, jich ac'a ba spas.

Salmos 10:11

Te mach'a amen yo'tan ya scuy te ma xna'bot yu'un Dios te yat'ele, scuyoj te smucoj yelaw te Diose, te xujt' ma xyil ta sc'ope.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

2 Corintios 2:11

Swenta yu'un jich ma ba ya stsalotic tey a te Satanase, melel quilojtic te bayal smaña stuquele.

Deuteronomio 29:19

“Te c'alal ya xlaj awaiyic te bitic jc'axel chapale, teme ay jichex te jc'axel ya scuy sba te mero lec ay stuquele, teme jich ya yale: “Spisil me lec ya xloc' cu'un, manchuc me ja' ya jpas te bila ya sc'an te co'tane”, teme xi' jajch'ele, ja' me ajinjibalic ya xc'otix ta apisilic abi.

1 Timoteo 2:14

Soc ma ja'uc te Adane te laj ta lo'layele, ja' stuquel te antse. Yu'un te bit'il la xch'uun lo'layele, tey la sta smul ta stojol Dios a.