Génesis 3:1 - Bible in Tzeltal de Oxchuc y Tenejapa

¹ Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

Bible in Tzeltal Bachajón

¹ Te chan ha bayel xan sp'ijil yu'un lo'loywanej a te bin ut'il spisil yantic chambahlametic ta q'uinal te pasticlambil yu'un Dios. Hich la yalbe te antse: ¿Hich bal la yalbat te Diose: Ma me xalo'be sit spisil te te'etic ayic ta ts'umbil q'uinal, xchi bal te Diose? xchi.

Génesis 3:1 ပူးပေါင်းရင်းမြစ်များ

Eclesiastés 4:10

Teme ya xyal te jtule, te yane ya me stam jajch'el. Pero ay me swocol stuquel te mach'a jtul nax ay teme yale, melel ma'yuc mach'a ya xtsacot jajch'el yu'un stuquel.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

San Mateo 4:3

Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

San Mateo 4:6

Jich albot yu'un te pucuje: —Teme ja'at Snich'anat te Diose, ch'oja coel aba, melel jich ts'ibubil ta Sjun Dios: “Te Dios ya yalbey mandal te ch'ul abatetic yu'un te ya scanantayate. Ya me slicat ta sc'abic swenta yu'un ma ba ya alajin awacan ta ton”, te xie —xi' te pucuje.

San Mateo 4:9

Soc la yalbey: —Teme ya aquejan aba ta jtojol soc teme ya awich'on ta muq'ue, ya me cac'bat spisil in to —xi' te pucuje.

2 Corintios 11:14

Tojol teme q'uejel nax q'uinal ya caiytic yu'un te bila ya spasique, melel jich uuc te Satanase, ya scuy sba ta ch'ul abat yu'un saquil q'uinal.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

1 Pedro 3:7

Ja'ex uuc winiquetic te nujbinemexe, jich nix ayuc me sp'ijil awo'tan te ya xcuxinat ta q'uinal soc te awiname. Ich'a ta muc' te antse, te melel jteb staelic. Ja' me x'ana'ic te pajal ayex ta c'uxtayel yu'un soc te Diose, ja' te pajal ya yac'botic jcuxlejaltic soque. Jich ma'yuc bi ya smaquex a te c'alal ya ac'oponic te Diose.

Apocalipsis 12:15

Te chane la smal loq'uel ja' ta ye. Jich c'ot te bit'il muc'ja', yu'un ya me xlicot bael yu'un te antse.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 20:2

Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.