Génesis 27:41 - Bible in Tzeltal de Oxchuc y Tenejapa

⁴¹ Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Bible in Tzeltal Bachajón

⁴¹ Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

Génesis 27:41 ပူးပေါင်းရင်းမြစ်များ

Génesis 27:42

Jich yu'un te Rebeca la sticun ta iq'uel te Jacob, la yalbey yaiy te bi la yal te Esaú: —Aiya awaiy stojol, te abanquil Esaú snopoj me ta yo'tan te ya smilate.

Génesis 32:11

Ora yo'tic coltayawon loq'uel ta sc'ab te jbanquil Esaú, yu'un ya jxi', ma me xtal smilon soc te alaletic cu'un soc te sme'ique.

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Génesis 32:6

Sujt'ic tel te abatetic ticunotic bael yu'un te Jacob, jul yalbeyic: —La jc'opontiquix te abanquil Esaú, jich yu'un ya xtal staatix ta be, ya laj sjoin tel jbajc' ta jtul swinictac —xiic julel.

Génesis 35:29

Mamalix ta lec a, ac'bot najt' yorail yu'un Dios, ba sjoin te mach'atic neel lajemic yu'une. La yich' muquel yu'un te snich'nabe, ja' te Esaú soc te Jacobe.

Génesis 37:18

C'ubul to ay tel a te José, ma to xc'ot a, ilot yu'un te sbanquiltaque. Jajch' xchajbanbeyic sc'oplal ta milel.

Génesis 37:4

Ilot yu'un te sbanquiltac te bit'il c'ax c'uxtaybil yu'un stat te bit'il c'uxtaybil stuquelique. Jich yu'un la yil-o'tantayic, ma lecuc yo'tanic ta stojol.

Génesis 37:8

La yalic te sbanquiltaque: —¿Yu'un bal sc'oplal ya cajwalinticat ya awal? ¿Yu'un bal sc'oplal ya xmandalajat ta jtojoltic? —la yutic. Bayal to xan la yil-o'tantayic yu'un ta swenta swaich soc ta swenta te sc'ope.

Génesis 50:15

C'alal lajemix a te mamal Jacob, te sbanquiltac José jich la yalbey sbaic: —Te bit'il lajemix te jtatique, ja' wocol teme ya xjajch' slab yo'tan ta jtojoltic te José, soc teme ya sujt'esbotic spacol te bit'il la cuts'intique —xiic.

Génesis 50:2

Patil la yalbey mandal te jpoxtaywanejetic te ya xpoxtaybeyic sbaq'uetal te anima stat swenta yu'un jich ma xc'a' a. Jich te mach'atic ya sna'ic spasele, la xpoxtabeyic sbaq'uetal te animae.

2 Crónicas 35:24

Te abatetic yu'une la sloq'uesic bael ta carreta yu'un guerra, la yaq'uic c'axel ta xchebal carreta te ay yu'une. La yiq'uic bael ta Jerusalén, tey laj a. Ba smuquic ta smuquenal te antiguo sme'-state. Ta spisil Judá soc ta Jerusalén la yoc'tayic te bit'il laj te Josías.

Salmos 142:3

te bi ora jc'axel yaquix ta comel q'uinal ya caiye. Cajwal, awiloj te be jt'unoje: ja' ta bay ya xbeenon, la yac'bonic jpejts'ul ta be.

Salmos 35:14

Ayon ta mel-o'tan soc ma'yucon ta q'uinal la caiy yu'un; jich c'oemon te bit'il jlapoj ijc'al pac' yu'un mel-o'tan ta swenta te laj te jme', o jtul joy, o jtul mero quermano.

Salmos 37:16

Manchuc me jtebuc nax sbiluc te mach'a lec yo'tane, pero buen lec me stuquel; yan te bayal sc'ulejal te mach'atic amen yo'tanique, ma'yuc swentail stuquel.

Proverbios 1:16

Melel yac'ojic puersa ta spasel te bila amene; sujoj sbaic ta smalel ch'ich'.

Proverbios 18:19

Teme bolc'optaybil te quermanotique, ya smac sba jich bit'il jpam lum te macal ta ts'ajq'ue. Te c'opetic ya yac' ta cha'chajp, jich bit'il srejail te muc'ul nae.

Proverbios 6:14

Puro ixta-o'tanil snopoj te yo'tane, ja' mero snopoj ta yo'tan te ya spas te bila amene, soc ja' baem ta yo'tan sleel bi ya yut ya sjach c'op.

Eclesiastés 7:9

Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.

Ezequiel 35:5

“Ja'at mero spisil ora acontroinej te israeletic, la awac'bey guerra ta stojolic, te c'alal la yich'ic te slajibal castigo ta scaj smulique.

Deuteronomio 34:8

Te israeletic lajuneb xcha'winic (30) c'aal la yoq'uetayic ta jochol taquin q'uinal yu'un Moab te Moisés. Jich c'ot ta pasel yu'unic a te la smel yo'tanic yu'un, soc te la smal ya'lel sitic yu'un te laje.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.