Génesis 27:4 - Bible in Tzeltal de Oxchuc y Tenejapa

⁴ Pasbon me buen bujts'an ti'bal jti', jich nix bit'il ya smulan co'tan. Ich'bon tel jwe'elin, jich me ya jc'anbat jilel bendición te bit'il ma to xlajone —la yut.

Bible in Tzeltal Bachajón

⁴ Pasbon jwe'el hich te bin ut'il ya jmulan swe'el, ich'bon tal jwe', scuenta yu'un ya ca'bat hilel bendición te ma to xchamon, xchi.

Génesis 27:4 ပူးပေါင်းရင်းမြစ်များ

Génesis 14:19

Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Génesis 27:14

Jich bajt' te Jacob, la stsac cha'cojt' alal tentsun, la yic' tel yac'bey te sme'e. Jich te sme'e la spasbey te bujts'an ti'bal te mulanbil yu'un te state.

Génesis 27:17

La yac'bey bael te Jacob te buen bujts'an ti'bal soc waj te la xchajbane.

Génesis 27:19

—Jo'on Esauon, te sba anich'anon. La jpasix te bi la awalbone. Jajch'an, najc'an aba, ti'a te ti'bal la quich'bat tele, yu'un ya me ac'anbon bendición —la yut.

Génesis 27:23

Jich ma la sna'bey sba teme ja' te Jacob, yu'un bayal stsotsil te sc'abe, jich nix te bit'il sc'ab te Esaú.

Génesis 27:25

Jich yu'un la yalbey: —Ich'bon tel te ti'bal jiche, ya me jti'bat caiy ati'bal te jnich'anate, patil me ya jc'anbat bendición —xi'. Jich te Jacob la yac'bey ti'bal sti' te state, soc la yich'bey tel vino yuch'.

Génesis 27:27

Jich tal te Jacob, la sbujts'iy te state. Te Isaac la yaiybey yic' te sc'u'-spaq'ue, jich la sc'anbey bendición: —Ja' yic' ya caiy te jnich'ane. Jich yic' ya caiy te bit'il awalts'unubil te ac'bil bendición yu'un te Cajwaltique.

Génesis 27:31

Spasojbey tel buen bujts'an ti'bal uuc te state. Och yac'bey, jich la yalbey: —Jajch'an, jtat. Ti'bon awaiy te jti'bal te anich'anone, swenta yu'un ya me ac'anbon bendición —xi'.

Génesis 27:5

Yac ta yaiyel stojol te Rebeca te bila yac ta alel te Esaú yu'un te Isaaque. Te bit'il baem ta nutsojel te Esaú, yu'un ya sle smil te ti'bal ya yich'bey tel te state,

Génesis 27:7

“Baan lebon tel ti'bal jti', pasbon tel buen bujts'an ti'bal ya jti', jich me ya jc'anbat bendición ta stojol Dios te bit'il ma to xlajone”, la yut.

Génesis 27:9

Baan ta bay te ch'in chambalametic cu'untic, tsaca tel cha'cojt'uc jujp'en alal tentsunetic, ic'bon tel, ya jpasbey te buen bujts'an ti'bal ya smulan te atate.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 48:9

—Ja'ic te jnich'nab te yac'ojbon te Dios te li' ayinic ta Egipto —xi' te José. La yal te state: —Ac'a stejc'an sbaic ta jts'eel, swenta yu'un ya me jc'anbey bendición ta stojolic —xi'.

Génesis 49:28

Jich sc'oplalic te lajchaychajp israeletic. Jich ay sc'oplalic yu'un static te c'alal c'anbot bendición ta stojolic yu'une, chican te bila bendición la sc'anbey ta stojol juju-jtul.

San Lucas 2:34

Te Simeón la sc'anbey bendición ta stojolic, soc la yalbey te María te sme' te alale: —Aiya awaiy stojol, ja' in alal to, ay me tsobol te israeletic te ya xjinic yu'un soc ay me tsobol ya xtoy sc'oplalic yu'un. Te alale ja' seña yac'oj Dios te tsobol ya scontroinique.

San Lucas 24:51

Yac ta yaq'uel bendición a te la yijq'uitay jilele. Ic'ot moel ta ch'ulchan.

Hebreos 11:20

Ta swenta xch'uunjel yo'tan te Isaaque, la yac'bey bendición te Jacobe soc te Esaú ta swenta te bitic ya x'ac'botic ta patile.

Josué 14:13

Jich yu'un te Josué la yac'bey bendición te Caleb, soc la yac'bey sq'uinalin te Hebrón soc te sts'umbale.

Josué 22:6

C'alal laj yo'tan ta yalel te Josué, la sc'anbey bendición ta stojolic, soc la sticun bael, jich bajt'ic ta snailpaq'uic.