Génesis 27:2 - Bible in Tzeltal de Oxchuc y Tenejapa

² La yalbey: —Mamalonix, ma jna' bi ora ya xlajon.

Bible in Tzeltal Bachajón

² Mamalonix, xchi te Isaac, ma jna' bin ora ya xchamon.

Génesis 27:2 ပူးပေါင်းရင်းမြစ်များ

Génesis 27:3

Jich yu'un ich'a bael at'im soc yat'ejibal, baan ta nutsojel. Baan milbon tel ti'bal jti'.

Génesis 47:29

La sta yorail te la sna' stojol te mamal Israel te nopol ya xlajixe, jich yu'un la sticun ta iq'uel te snich'ane, ja' te José. Jich la yalbey: —Teme c'uxon ta awo'tane, ac'a tel ac'ab ta yanil ca', ya me awalbon ta stojol Dios te puersa me ya xc'ot ta pasel awu'un te bila ya calbate. Wocoluc, ma me x'amucon li'to ta bay Egipto.

Génesis 48:21

Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Isaías 38:1

Ja' jich sc'aalelal a te tsacot ta tulan chamel te Ezequías. Te j'alwanej Isaías, te snich'an Amoz, ba yil soc jich la yalbey: —Te Cajwaltic la yal: “Ala me xan jilel te slajibal ac'op ta stojol te mach'atic ay awu'une, melel ya me xlajatix. Ma xcolat ta poxtayel”, xi' me —xi'.

Isaías 38:3

—Ya calbat wocol, Cajwal, na'a me te bit'il toj co'tan la cac' jba ta abatinel, soc mero jun co'tan la jpas te bila lec awo'tan yu'une —xi'. Oc' ta c'axem to xan.

San Marcos 13:35

Jich yu'un wiq'uiluc me asitic, yu'un ma na'biluc awu'unic te bi ora ya xjul tel te yajwal nae, teme yijc'ubel q'uinal, teme olil ajc'ubal, te c'alal ya x'oc' mut, o ta sacubel q'uinal.

Santiago 4:14

Ja'uc me to, ma x'ana'ic stojol te bila ya xc'ot ta pasel te pajele. ¿Jal bal c'aal ya awaiyic te ya xcuxinexe? Melel te jcuxlejaltique jich c'oem te bit'il sjab lumq'uinal te ajc' nax ya xchicnaj soc ya xch'ay bael ta orae.

1 Samuel 20:3

Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.