Génesis 22:9 - Bible in Tzeltal de Oxchuc y Tenejapa

⁹ C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Bible in Tzeltal Bachajón

⁹ C'alal c'ohtic ta lugar te banti halbot yu'un Dios, te Abraham la spasbe scajtajib ta chiq'uel mahtanil, la schahpambe te si'il, la sc'ol ta chuquel te Isaac, soc la sjawan ta ba si' ta scajtajib ta chiq'uel mahtanil.

Génesis 22:9 ပူးပေါင်းရင်းမြစ်များ

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Génesis 22:10

La stsac ta sc'ab te scuchillo, c'an slow a te snich'ane.

Génesis 22:8

La sjac' te Abraham: —Jnich'an, Dios ya slebotic te chij ya xtuun cu'untic ta spasel te smajt'ane —la yut. Pajal yacalic ta beel bael xchebalic.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

1 Reyes 18:33

Patil la xchajban te si'e. C'alal chajbaj te si', la sesan te toro, la yac' moel ta ba si'.

Salmos 118:27

Te Cajwaltic ja' Dios stuquel, ja' ya sacub q'uinal ta jtojolic yu'un. Jajch'uc meix te q'uin, ich'aic bael sc'ab te'etic ja' to c'alal ta xulubil scajtijib smajt'an te Diose.

San Mateo 27:2

Jich la xchuquic bael. C'o yac'beyic ta sc'ab te Gobernador Poncio Pilato.

San Marcos 15:1

Te c'alal sacubix a te q'uinale, te jwolwanej-sacerdoteetic, te principaletic, te jts'ibojometic, soc ta spisil te Muc'ul Tsoblej yu'unique, la stsob sbaic ta xchapel sc'opic. Jich la xchuquic bael te Jesuse. Ba yac'beyic ta sc'ab te Pilatoe.

Hechos 8:32

Ja' yac ta yilel te Sc'op Dios te jich ts'ibubile: “Ic'ot bael ta milel jich bit'il chij. Soc jich bit'il alal chij te ma x'awun te c'alal ya yich' joxel te stsotsile, jich nix ma ba c'opoj uuc.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

Santiago 2:21

¿Ma bal ja'uc toj ilot yu'un Dios ta swenta yat'el te jtatic Abrahame te c'alal jun nax yo'tan c'an smil ta scajtijib smajt'an Dios te snich'an Isaaque?

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.