Génesis 22:4 - Bible in Tzeltal de Oxchuc y Tenejapa

⁴ Ta yoxebal c'aal sbeenel a, la stoy sit te Abraham, chicanix la yil te banti albot yu'un te Diose.

Bible in Tzeltal Bachajón

⁴ Yoxebal c'ahc'al a la shach sit te Abraham, la yil ta namal te lugar.

Génesis 22:4 ပူးပေါင်းရင်းမြစ်များ

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Génesis 22:5

Jich yu'un la yalbey te abatetic yu'une: —Jilanic li'to soc te burroe. Ya xboon lum to soc te quereme, ya xba jc'opon Dios soc, ta patil ya sujt'on tel soc —xi'.

2 Reyes 20:5

—Sujt'an bael, albeya te Ezequías te jwentainwanej yu'un te lum cu'une: “Te Cajwaltic te Dios yu'un te antiguo ame'-atat David, jich la yal: ‘Jo'on la caiybatix te ac'ope, soc la quilbatix te ya'lel asite, ja' yu'un ya me jch'aybat te achamele. Li' ta oxeb c'aal ya me xju'ix ya xbaat ta templo yu'un Cajwaltic a.

Ester 5:1

C'alal c'ax oxeb c'aal, te Ester la slap te sc'u' swenta antsil-ajwalile. Och bael ta yamaq'uil ta yutil spalacio te muc' ajwalil, ba stejc'an sba ta stojol sala ta banti nacal ta smuc'ul nactijib te muc' ajwalile.

Éxodo 15:22

Te Moisés la yac'bey yijq'uitay jilel Mar Rojo te israeletic, bajt'ic ta muc'ul jochol taquin q'uinal Shur sbiil. Oxeb c'aal beenic ochel, ma'yuc bay la staic ja' yuch'ic.

Éxodo 19:11

Jich me chapalic ta lec te cha'weje. Melel te cha'weje, ya me xcoon tel ta sitic te lume ta wits Sinaí, jo'on te Ajwalilone.

Éxodo 19:15

Te Moisés la yalbey te lume: —Chajbana laj me abaic ta swenta te cha'weje. Ma laj me xajoin ta wayel te awinamique —xi' te Moisese.

Éxodo 5:3

La sjaq'uic: —Ja' te Dios cu'untic te jo'otic hebreootic, tal staotiquix bael. Jich yu'un ya me xbootic ta muc'ul jochol taquin q'uinal, te ay oxeb c'aal ya xbeenotic ochele. Ya xba cac'bey milbil smajt'an te Cajwal te Dios cu'un, soc te jlumale. Teme repente ya yac'on ta lajel li'to soc te jlumale, ta swenta tulan chamel o milel ya caiytic li'to —xiic.

Oseas 6:2

Ora nax ya yac' xbujts'naj q'uinal caiytic; ya xjachotic jajch'el yu'un ya yac' xcuxinotic ta stojol.

Levítico 7:17

pero teme ay to ta yoxebal c'aale, ya me sc'an ya yich' chiq'uel spisil.

Números 10:33

Jich la yijq'uitayic te wits yu'un Cajwaltic, beenic bael oxeb c'aal. Te scajonil trato yu'un Cajwaltic ja' neel bael yu'unic, yac ta sleel bael te banti ya xju' ya spas scampamentoic.

Números 19:12

Ta yoxebal c'aal soc ta sjuquebal c'aal ya me slecubtes sba ta ja' yu'un lecubtesel, jich me lec sc'oplal ya xc'ot.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Números 31:19

Soc te jayebex te ay mach'atic amilojique, o teme ay la apic te anima, ainanic ta spat campamento juqueb c'aal. Te ja'ex soc te mach'atic la achuquic tele, ya me sc'an ya alecubtes sc'oplal abaic ta yoxebal c'aal soc ta sjuquebal c'aal.

San Mateo 17:23

Ya me yaq'uic ta lajel, ja'uc me to, ta yoxebal c'aal ya me yich' cha'cuxesel —xi'. Te jnopojeletique bayal la smel yo'tanic yu'un te bila la yale.

San Lucas 13:32

La yal te Jesuse: —¡Pajal soc wax me to! Baan albeya yaiy: “Ta ora to soc pajel ya to jloq'ues pucujetic soc ya to me jlamantes jchameletic. Ja' to cha'wej te ya xlaj co'tane”, uta me.

1 Corintios 15:4

Soc te la yich' muquel, soc te cha'cux tel ta yoxebal c'aale, jich bit'il ts'ibubil jilel ta Sjun te Diose.

Josué 1:11

—C'axanic bael ta yoclinel te campamento yu'un te israeletic, pasaic ta mandal. Jich me ya awalbeyic: “Chajbana me abaic soc awe'elic, tey xan meix ta oxeb c'aal ya xc'axotic bael ta muc'ja' Jordán te ya xba ochucotic ta yu'uninel te q'uinal te ya yac'botic Cajwaltic te Dios cu'untique”, utaic me —xi'.

1 Samuel 26:13

Patil te David c'ax bael ta jejch' suclej, la yac' sba ta ba wits, algo namal yiloj sba soc te bay Saule.