Génesis 22:2 - Bible in Tzeltal de Oxchuc y Tenejapa

² Albot yu'un te Diose: —Ic'a bael te jip jtul anich'an Isaac te bayal c'ux ta awo'tane, baan soc ta sq'uinal Moriah. Tey ta bay wits te ya calbate, ya me xc'o amilbon jmajt'anin te anich'an, scojt'ol me ya yich' chiq'uel ta jtojol —xi' sc'oplal yu'un te Diose.

Bible in Tzeltal Bachajón

² Hich halbot yu'un: Ic'a bahel te Isaac te hip jtuhl anich'an te bayel c'ux ta awo'tan, bahan soc ta q'uinal Moriah, tey ta banti wits ya calbat, ya me xc'oht awac' ta scohtol chic'bil mahtanil, xchi.

Génesis 22:2 ပူးပေါင်းရင်းမြစ်များ

Génesis 17:19

Ja'uc me to, la yal te Diose: —La calbat awaiy, ja' la calbat te ya me x'ayin yal te awinam Sara, Isaac sbiil ya xc'ot awu'un. Jc'axel ya jpas trato soc stuquel, swenta sbajt'el q'uinal soc te jayeb sts'umbale.

Génesis 21:12

Ja'uc me to, c'oponot yu'un Dios te Abraham: —Ma me xamel awo'tan yu'un te querem soc te antse. Ch'uunbeya spisil bila ya yalbat te Sara, melel ja' nax ajtaybil ats'umbal ya xc'ot ta swenta te Isaaque.

Génesis 21:3

Te Abraham la yac'bey sbiil te snich'an te ayin ta swenta Sara, Isaac c'ot te sbiile.

Génesis 22:12

Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Génesis 22:16

Jich la yal: —Yaloj te Diose: “Te bit'il jich la apas, te ma ba wocol la awac'bon te jip jtul anich'ane, jun awo'tan la awac'bon,

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

2 Reyes 3:27

Jich te ajwalil yu'un Moab la stsac te sba snich'an, te sc'oplal ja' ya x'och jilel ta sjelol ta muc' ajwalile, la yac' ta chic'bil smajt'an te bi diosinbil yu'un, ta sba te sjoyob ts'ajc'ul te lume. Mero chajp nax la yilic a te israeletique. Ja' yu'un la sjach sbiluquic ta scampamentoic, sujt'ic bael ta slumalic.

2 Crónicas 3:1

Te Salomón jajch' ta spasel templo yu'un Cajwaltic ta Jerusalén, ta wits Moriah, ta bay la yac' sba ta ilel Cajwaltic ta stojol David, ja' te state. Ja' nix te ch'in q'uinal xchajbanejix te David, ja' te bay ya swuyilay spat strigo ta neelal te Ornán te Jebuseo-winique.

Miqueas 6:7

¿Ya bal xbujts'naj yo'tan yu'un Cajwal, teme ya cac'bey jmil (1,000) ta jcojt' tat chijetic o lajunmil (10,000) yocja'etic c'oem ta puro aceite? ¿O ya bal cac'bey te sba jnich'an ta swenta stojol te jtoybail soc te jmule?

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

Romanos 5:8

Ja'uc me to, te Diose la yaq'uix ta ilel te bayal c'uxotic ta yo'tan te bit'il la yac' sba ta lajel cu'untic te Cristoe, manchuc teme mero jmulawilotique.

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

Hebreos 11:17

Ta swenta xch'uunjel yo'tan te Abrahame, c'an smilbey smajt'anin te jip jtul snich'ane, ja' te Isaaque, te c'alal pasot ta prueba yu'un te Diose. Jun nax yo'tan c'an yac'bey smajt'anin te jip jtul snich'ane manchuc teme albotix sc'oplal yu'un Dios:

Jueces 11:31

ya cac'bat achic'bil majt'anin te mach'a neel ya xloc' tel ta jna stabelon ochel te c'alal ya sujt'on tel ta guerra —xi'.

Jueces 11:39

C'alal ts'aquej te c'aal yu'une, jich a sujt' bael ta stojol te state. Te state la sc'otes ta pasel te bila xchapoj ta stojol te Cajwaltique. Te yantsil-nich'an Jefté ma'yuc bay la sjoin ta wayel winic te c'alal laj baele.