Génesis 2:8 - Bible in Tzeltal de Oxchuc y Tenejapa

⁸ Te Cajwaltic Dios la yac' awalts'unubil ta stojol sloq'uib c'aal, Edén sbiil te q'uinale. Tey la yac' a te winic pastaj yu'une.

Bible in Tzeltal Bachajón

⁸ Te Jehová Dios la yac' ts'umbil q'uinal ta Edén te ay ta stojol banti ya xloc' tal c'ahc'al. Tey la yac' a te winic te la spase.

Génesis 2:8 ပူးပေါင်းရင်းမြစ်များ

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 3:23

Jich yu'un te Cajwaltic la sticun loq'uel ta awalts'unubil, te Edén sbiile, swenta yu'un ya x'at'ej ta lumq'uinal te ja' nix pastajem ae.

Génesis 3:24

Jich a loq'uesot ta awalts'unubil te ants-winique. Ta stojol sloq'uib c'aal Dios la yac' querubinetic, soc ay puñal yac ta tilel tey a te bayuc nax ya sjimulay sba, swenta yu'un ma me ayuc mach'a ya xc'ot ta banti ay te te' ya yac' cuxinele.

Génesis 4:16

Jich a loc' ta stojol Dios te Caín, ba nainuc ta Nod ay ta stojol sloq'uib c'aal yu'un Edén.

2 Reyes 19:12

¿Yu'un bal coltayot yu'un jiche te diosetic yu'unic te lumetic la slajin te antiguo jme'-jtate, jich bit'il te Gosán, Harán, Resef, soc te mach'atic ayic ta Bet-edén te nainemic ta Telasar ae?

Isaías 51:3

Ay me yutsil co'tan ta stojol te Sión, ja' te lum te jinem sts'ajc'ul ta spisile. Ta bay taquin q'uinal ya jc'atp'un ta yaxal q'uinal, jich bit'il t'ujbil te'etic la sts'un Cajwaltic ta Edén. Tey me ay yutsil a te q'uinale, soc bin nax yo'tanic ya xc'ajinic ta yalel yutsilal Dios soc música.

Ezequiel 27:23

Ja' nix la awaiy manbajel chonbajel soc Harán, Cane, Edén, soc te mach'atic jmanbajel jchonbajeletic ta Sabá, ta Asiria soc spamal sq'uinal Media.

Ezequiel 28:13

Ayat ta Edén a, ja' te nichimaltic yu'un te Diose, ch'albilat ta spisil ta jchajp buen t'ujbil tonetic: tsajal rubí, c'an yaxal crisólito, yaxal jade, c'anal topacio, tsajal cornalina, jaspe te yanyan yilele, ijc'al zafiro, yaxal granate soc yaxal esmeralda tonetic. Te ch'alilaletic awu'un soc te staq'uinal chiquiniletic awu'un oro pasbil a, ja' to la yich' chajbanel a te bi c'aalil la awich' pasele.

Ezequiel 31:16

Te c'alal ya cac' coel ta yawil lajel, swenta yu'un ya xba stsob sba soc te mach'atic lajemique, te sc'op te c'alal ya xt'uxaje, ya yac' nijc'uc te nacionetique. Tey ta lum ta ye'tal te balumilale, ya xmuc'ub q'uinal yaiyic te te'etic yu'un Edén, ja' te mero t'ujbilic te mero lec la yich' ac'beyel ya'lel ta wits Líbano.

Ezequiel 31:18

Ma'yuc junuc te'etic ta Edén pajal soc ta swenta smuc'ul soc ta swenta stoyolil. Pero pajal me ya xco bael soc yantic te'etic yu'un Edén tey ta lum ta ye'tal balumilale, swenta yu'un ya me sjoin ta nainel c'oem yantic mach'atic ma ba xch'uunejic Dios, soc nix te mach'atic lajic ta guerra. Te muc'ul te'e, ja'at me faraón soc ta spisil te alumale. Jo'on Ajwalilon te jich caloje”, uta me —xi' te Cajwaltique.

Joel 2:3

Pajalic soc c'ajc', te spisil ya slajine. Ya xchic'awan te c'alal ma to xc'ax ae, soc manchuc me c'axemix a, pero ya to xchic'awan xan a. Te c'alal ma to xjulic ae, mero c'ax t'ujbil te q'uinale; te c'alal ya xbajt'ique, pajal soc jochol taquin q'uinal ya xjil yu'unic. Ma'yuc bila col jilel yu'unic.