Génesis 2:7 - Bible in Tzeltal de Oxchuc y Tenejapa

⁷ Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Bible in Tzeltal Bachajón

⁷ Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Génesis 2:7 ပူးပေါင်းရင်းမြစ်များ

Génesis 1:27

Jich pastaj yu'un Dios te winique, jich yilel te bit'il Diose, jtul winic soc jtul ants la spas.

Génesis 2:6

Ja'uc me to, ay mo tel ta lumq'uinal te ja' te ya yajch'es spamal te q'uinale.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Génesis 3:23

Jich yu'un te Cajwaltic la sticun loq'uel ta awalts'unubil, te Edén sbiile, swenta yu'un ya x'at'ej ta lumq'uinal te ja' nix pastajem ae.

Génesis 7:22

Laj spisil te bitic cuxajtic ta balumilal te ya yich'ic iq'ue.

Job 27:3

te jayeb xan c'aal te yac'ojbon quip ta yich'el ic',

Job 33:4

Te Dios te Spisil ya xju' yu'un, la spason, la yac'bon jch'ulel soc la yac'bon quich' ic'.

Job 33:6

Te ja'ate, soc te jo'one, pajal me quileltic ta stojol te Diose; pajal quich'ojtic pasel ta ts'ubil lum.

Job 4:19

¿ja'uc to balix a te winique, te mero ma'yuc yip stuquele? Pajal soc na te pasbil ta ajch'al te yich'oj pasel jajch'el ta ts'ubil lume, soc te ya xju' ya yich'ic lajinel ta joch'.

Salmos 100:3

Na'beyaic sba te Cajwaltic te ja' Dios stuquele. Ja' la spasotic, ja' yu'unotic; lumotic yu'un, soc chijotic c'oem te yac'ojotic ta yax aquiltic yu'une.

Salmos 103:14

Ja' ya sna' stuquel te bila pastajemotic a; ya sna' ta lec te bit'il ts'ubil lumotique.

Proverbios 20:27

Te xch'ulel te ants-winiquetic ac'bil yu'un te Diose, ja' luz c'oem yu'un te ya x'ac'bot snaulay ta sc'ubulil yo'tan.

Eclesiastés 12:7

Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 3:7

Ay yorail ta jatsel, soc ay yorail ts'isel. Ay yorail ch'abal q'uinal, soc ay yorail aiyej.

Isaías 2:22

Ma me ja'uc xan ya smuc'ulin yo'tan te ants-winiquetic, melel jteb nax stael stuquelic. Te xcuxlejal ants-winic, jich nax me te bit'il ya sjic' te yo'tane.

Isaías 64:8

Ja'uc me to, ja' jtaticat atuquel Cajwal; jo'otic ajch'alotic, ja'at jpac'jomat cu'untic, ta jpisiltic ja'at Jpaswanejat cu'untic atuquel.

Lamentaciones 4:20

Tsacotix ta pejts' te mach'a tsabil yu'un te Cajwaltique, ja' te mach'a cuxulotic ta swenta, ja' te muc' ajwalil, te la calbeytic sc'oplale: “Ya me xcuxinotic ta awaxinal ta yolil te lumetique”, te xootic yu'une.

Ezequiel 37:5

Jich ya yalbeyex te Cajwaltique: ‘Ya cac'beyex xan awich'ic ic' swenta yu'un ya xcha'cuxex xan a.

Ezequiel 37:6

Ya me cac'beyex xan stulanil achialic, ya me jnojesex xan ta baq'uet, ya me cac' spotsex xan ta nujc'ul, ya me cac'beyex xan awich'ic ic', jich me ya xcuxinex xan. Jich me ya ana'ic a te jo'on Ajwalilon’, xi' me”, uta me —xi'.

Zacarías 12:1

Ja' in to, ja' sc'op Cajwaltic te la yalbey sc'oplal Israel. Ja' te Cajwaltic te la slim bael ta pasel te ch'ulchan, soc te la yac'bey yiptajib te lumq'uinale, soc te la yac'bey xcuxlejal te ants-winiquetique, tulan ya yal:

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

Números 27:16

—Te Diosat te Ajwalilat cu'untique, te ya awac'bey xcuxlejal spisil te ants-winiquetic, ja'at me ya ale jtul winic te ya stejc'an sba ta stojol te lum awu'une. Ja' me ya yic' bael ta spisil ta bayuc, swenta yu'un ma jichuc nax ya xpujq'uic bael, jich bit'il chijetic te ma'yuc mach'a ya xcanantayotic yu'une —xi' te Moisese.

San Juan 20:22

Patil la sjujch'iy soc la yalbey: —Ic'aic te Ch'ul Espiritue.

Hechos 17:25

soc ma smajanbey sc'ab winiquetic, melel ma'yuc bi ya xtuun yu'un stuquel. Ja' stuquel yac'ojbey xcuxlejal ta spisil ants-winiquetic, soc te yac'ojbey yich'ic iq'ue, soc ja' yac'ojbey spisil te bila ya xtuun yu'unique.

Romanos 9:20

Ja'at te ants-winicate, ¿mach'a ya acuy aba a te ya asujt'esbey sc'op te Diose? ¿Ya bal x'albot te jpac'jom yu'un te vaso te pasbil ta ajch'ale: “¿Bistuc jich la apason?”, xi' bal?

1 Corintios 15:45

Jich bit'il ts'ibubil jilel ta Sjun te Diose: “Te sbabial winique, ja' te Adane, ac'bot xcuxlejal soc te sbaq'uetale”, te xie. Yan te slajibal Adane, J'ac'cuxlejal ta swenta te Espíritu stuquel.

1 Corintios 15:47

Te sba winique pasbil ta ts'ubil lum soc ja' yu'un te lumq'uinale, te xchebal Winique, ja' yu'un te ch'ulchane.

2 Corintios 4:7

Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

2 Corintios 5:1

Te jo'otique, jich c'oemotic te bit'il jwol na ta balumilal, soc jich c'oemotic te bit'il nail pac' te ma xjalaje. Jna'ojtic te ya xjin te bila jnainejtique, melel Dios spasojbotiquix yan te ya yac' jnaintic swenta sbajt'el q'uinal ta ch'ulchan, te ma ja'uc pasbil ta sc'ab te ants-winiquetique.

1 Timoteo 2:13

Melel ja' neel la yich' pasel yu'un Dios te Adane, patil la yich' pasel te Evae.

Hebreos 12:9

Te c'alal alalotic toe, la yac'botic tojobtesel te jtatic te ayotic ta balumilal soque, soc la quich'tic ta muc'. ¿Ja'uc to bal a te Jtatic te ay ta ch'ulchane? C'ax jich ya sc'an ya quich'tic ta muc' stuquel, swenta yu'un jich me ya xcuxinotic sbajt'el q'uinal.