Génesis 2:1 - Bible in Tzeltal de Oxchuc y Tenejapa

¹ Jich ju' ta chicnantesel te ch'ulchan balumilal, soc spisil te bitic nojel tey ae.

Bible in Tzeltal Bachajón

¹ Hich hu' yu'un te ch'ulchan soc bahlumilal, soc spisil bintic nojel tey a.

Génesis 2:1 ပူးပေါင်းရင်းမြစ်များ

Génesis 1:1

12Ta xjajch'ibal Dios la spas spisil te bitic aye, ch'ulchan balumilal.

Génesis 1:10

Dios la yac'bey sbiil te q'uinal te taquejemixe, “lumq'uinal” sbiil c'ot yu'un. Te bay la stsob sba te ja'e, “mar” sbiil c'ot yu'un stuquel. Lec la yil te Diose,

Génesis 2:4

Jich ay sc'oplal bit'il chicnaj te ch'ulchan balumilale. Te c'alal pastaj yu'un Cajwaltic Dios te balumilal soc te ch'ulchane,

2 Reyes 19:15

Jich la yal: —Cajwal te Diosat yu'un te israeletique, te ay amuc'ul nactijib ta sba te querubinetique, ja'at nax atuquel Diosat te ya apas mandal ta stojol spisil te muc' ajwaliletic ta balumilale, ja'at la apas te ch'ulchan soc te balumilale.

2 Crónicas 2:12

Soc la yal xan: “Bin nax me yutsil te Awajwal, te Dios yu'un lum Israel, te la spas te ch'ulchan soc te balumilale, melel la yac'bey jtul snich'an te muc' ajwalil David te ay sp'ijil yo'tan, te buen p'ijtesbil soc te ya sna' stsajtayel spisile. Ja' ya yac' ta pasel templo yu'un te Yajwal soc te muc'ul na yu'un te bit'il muc' ajwalile.

Nehemías 9:6

Te Esdras jich la yal: —Ja'at te Ajwalilat cu'untique, ma'yuc mach'a yan. Ja'at la apas ch'ulchan soc te mero stoyolile, soc ta spisil te eq'uetique. Ja'at la apas te lumq'uinale, soc spisil te bitic ay tey ae. Ja'at ya awac'bey xcuxlejal ta spisil te bitic aye. Ja' yu'un ya squejan sbaic ta atojol c'oem te eq'uetic ta ch'ulchane.

Job 12:9

¿Yu'un bal ay to mach'a ma ba sna'oj jiche te Dios la spas ta sc'ab spisil te bitic aye?

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Salmos 146:6

Ja' la spas ch'ulchan, balumilal, soc mar, soc spisil te bitic aye. Melel te bila ya yal, ya xc'ot ta pasel.

Salmos 33:6

Te ch'ulchan soc spisil te bitic ay yu'une, ja' la spas te Cajwaltic ta swenta sc'op soc ta swenta ic' te loc' ta yee.

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Éxodo 31:17

Ja' me seña cu'untic ta sbajt'el q'uinal te ja'ex te israelexe’, xi' te Diose”, uta me —xi' te Cajwaltique. Melel te Cajwaltic waqueb nax me c'aal la spas te ch'ulchan balumilale; yan ta sjuquebal c'aal ma ba at'ejix a, la xcux yo'tan.

Isaías 34:4

Spisil te bitic xlemlajan ta ch'ulchan ya me sjin sbaic. Te ch'ulchane, ya me sbal sba, jich bit'il balal jun; soc spisil te eq'uetic ya me xtup' xojobilic, jich ya xch'ayic te bit'il ya xch'ay coel yabenal te sts'usub o te yabenal higuerae.

Isaías 42:5

Te Cajwaltic Dios, ja' la xchicnantes te ch'ulchane, la slim bael jichuc pac'. La xchajban te balumilal soc te bitic ya xch'i tey a; ja' ya yac'bey xcuxlejal soc ja' la yac'bey yich' ic' te ants-winiquetic te nainemic tey a. Jich ya yalbey te yabate:

Isaías 45:12

Jo'on la jchicnantes te balumilal soc te yajwale, la jlim bael ta jc'ab te ch'ulchane, soc la cal mandal te ya xchicnaj spisil te bitic xlemlajanic ta ch'ulchane.

Isaías 45:18

Te jchicnanteswanej yu'un te ch'ulchane, ja' te Dios te Ajwalil stuquele, ja' te la spas te lumq'uinal soc te la xchajban, ja' te tulan la snajc'ane, te mach'a la xchicnantese, ma yu'unuc la sc'an te jochol ya xjile, ay me yajwal ya xc'ot, jich ya yal: —Jo'on Ajwalilon, ma'yuc yan.

Isaías 48:13

Ta jc'ab la cac'bey sta yip te balumilale, ta jc'ab la jlim bael te ch'ulchane; te c'alal la calbey sbiil, jich jajch'ic ta chicnajel.

Isaías 65:17

“Aiya awaiy stojol, ya me jpas yach'il ch'ulchan soc yach'il balumilal. Te bila c'axemixe ya me xch'ay jilel ta o'tanil, ma me ayuc jtuluc ya sna' xan.

Jeremías 10:12

Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil yo'tan, la slim bael te ch'ulchane.

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Jeremías 8:2

Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Zacarías 12:1

Ja' in to, ja' sc'op Cajwaltic te la yalbey sc'oplal Israel. Ja' te Cajwaltic te la slim bael ta pasel te ch'ulchan, soc te la yac'bey yiptajib te lumq'uinale, soc te la yac'bey xcuxlejal te ants-winiquetique, tulan ya yal:

San Lucas 2:13

Ora chicnaj tsobol yantic ch'ul abatetic ta ch'ulchan. Yacalic ta sc'ajintayel te Diose:

Hechos 4:24

C'alal la yaiyic stojol, jun nax te bi la yalbeyic te Diose, jich la yalic: —Cajwaltic, muc' Diosat atuquel, ja'at la apas ch'ulchan balumilal soc te mare soc spisil te bitic aye.

Hechos 7:42

Jich ijq'uitayotic yu'un te Diose. La yac' te la slajin sbaic ta stojol te eq'uetic xlemlajan ta yolil te ch'ulchane, jich te bit'il ts'ibubil jilel ta sjun te j'alwanejetic yu'un te Diose: “Ja'ex lum Israel, ¿ay bal la amilbonic chambalametic jmajt'anin te cha'winic (40) ja'wil te ayex ta muc'ul jochol taquin q'uinale?

Deuteronomio 17:3

ta swenta te bit'il ya xjajch' xch'uun yantic bitic cuybilic ta Diose, teme ya squejan sba ta stojolic, teme ja' ya squejan sba ta stojol te c'aal, u, eq'uetic, te ma ja'uc yaloj te Cajwaltique,

Deuteronomio 4:19

Te c'alal ya awilic te ch'ulchan, te c'aal, u, eq'uetic, ja' spisil te bitic ayic ta toyole, ma me xamulanic xch'uunel, melel ja' me te Cajwaltic te Dios cu'untic te la spas te bitic ayic ta toyole, ja' yu'un te lumetic te ayic ta swolol te balumilale.

Hebreos 4:3

Yan te jayebotic te jch'uunejtiquixe, ya x'ochotic tey a ta banti ay te cux-o'tane. Jich te bit'il yalojix stuquel te Diose: “Ja' swentail te ilinon ta stojolique, jich la calbey ta jamal te jc'axel ma xju' ya x'ochic tey a ta banti ay te cux-o'tan cu'une”, te xie. Ja'uc me to, te Diose ju' yu'un yat'el te c'alal la spas te balumilale.