Génesis 19:3 - Bible in Tzeltal de Oxchuc y Tenejapa

³ Ja'uc me to, te bit'il ma laj yo'tan ta stojolic, la sjoinic bael. Ochic ta sna, la spasbey swaj swe'ic te ma ba yich'oj levadura, jich la smac'lin sbaic.

Bible in Tzeltal Bachajón

³ Pero te bin ut'il ma ba laj yo'tan ta c'op te Lot ta stojolic, bahtic soc ta sna. La spasbe we'elil, la spas pan te ma ba yich'oj levadura, hich we'ic.

Génesis 19:3 ပူးပေါင်းရင်းမြစ်များ

1 Samuel 28:24

Jich te antse, ora la smil jcojt' ch'in jujp'en wacax te ay yu'un ta sna, soc och ta swots'el harina ma'yuc slevadurail, swenta yu'un ya spas ta pan.

Jueces 6:19

Te Gedeón bajt' ta xchajbanel tel jcojt' ch'in tentsun, soc jtab ta jp'is harina la spas ta pan te ma ba yich'oj levadura. La yac' bael ta moch te ti'bale. Te ya'lel la yac' bael ta oxom. La yich' bael spisil c'alal ta jijte'.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

1 Corintios 5:8

Jich yu'un, c'alal ya jpastic te q'uin Pascua, ma me ja'uc ta swenta te pocol levadurae. Soc ma me ja'uc te levadura yu'un te bila amene soc te mulile. Ja'uc me te waj te ma'yuc levadura yich'oje, te bila stojile soc te bila smelelile.

Éxodo 12:39

Ma ba ac'botiquix tiempo xchajbanel loq'uel swe'elic ta scaj te ora tenotic loq'uel yu'un te egipcioetique. La spaq'uic te swajic te ma ba yac'ojbey levadura, te loc' xan tel yu'unic ta Egipto.

2 Corintios 5:14

Melel ja' ya sujotic ta co'tantic ya caiytic te xc'uxul yo'tan te Cristoe. Yu'un ya jna'tic te laj yu'un spisilic te jtule, jich lajic ta spisilic.

San Juan 12:2

La xchajbanic we'elil tey a swenta yu'un ya sjoin sbaic ta we'el soc te Jesuse. Ja' la yac' sba ta jmac'linwanej te Martae. Tey ay a te Lázaro soc te yantic te la sjoin sbaic ta we'el ta mesa soc te Cajwaltique.

San Lucas 14:23

Te winique la yalbey te yabate: “Baan ta bebetic soc ta pat corraletic. Ic'a tel ta jyalel te jayeb mach'a ya atae. Jich me ya xnoj te jnae.

San Lucas 11:8

Ya calbeyex, manchuc teme ma sc'an ya xjajch' yac'bate te bit'il jun awo'tan aba soque, ya me yac'bat ta puersa, swenta yu'un jich ma xawulilay xan. Jich me ya yac'bat spisil te bila ya xtuun awu'une.

San Lucas 5:29

Patil te Leví la spas q'uin ta swenta Jesús. Jich la yic' tel ta we'el ta sna tsobol jc'an-patanetic soc yantic te pajal nacal ta mesa soc te Jesuse.

2 Reyes 4:8

Ay jun c'aal c'ax ta lum Sunem te Eliseo. Ay jtul ants tey a te ich'bil ta muq'ue. Bayal buelta albot yu'un te yacuc xc'ax ta we'ele. Ja' yu'un spisil ora te jayeb buelta c'ax tey a te Eliseo, och ta we'el.

Éxodo 12:15

Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic.

Génesis 21:8

Muc'ub te alal Isaac, jil xchu'. Pasbot sq'uin yu'un te Abraham te bi ora jil xchu' te Isaaque.

Génesis 19:2

jich la yal: —Jtatiquetic, ya cal wocol ta atojolic te ya me xbaex ta jna te awabatone. Tey me ya xc'o apoc awacanic a, soc tey me ya xwayex a. Sab pajel ya xjajch'ex, ya xbaex —la yut. Ja'uc me to, albot yu'un: —Manchuc, wocol la awal. Tey ya xwayotic ta calle yo'tic —xiic.

Génesis 24:31

Jich c'o yalbey: —Conic ta jna ja'at te awich'oj bendición yu'un te Cajwaltique. ¿Bistuc q'uejel ayat? La jchajbanix te jnae, soc banti ya x'ain te camelloetic awu'une —la yut.

Génesis 26:30

Jich yu'un te Isaac la spas muc'ul q'uin, we'-uch'ajic ta lec.