Génesis 17:4 - Bible in Tzeltal de Oxchuc y Tenejapa

⁴ —Aiya awaiy stojol te trato ya calbate, ja' te tatil ya xc'oat yu'un bayal ta jchajp ants-winiquetic.

Bible in Tzeltal Bachajón

⁴ Ha'at te chapbil-c'op ini te ya jpas ta atojol: ha'at tatilat ya xc'ohat yu'un tsobol nacionetic.

Génesis 17:4 ပူးပေါင်းရင်းမြစ်များ

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 16:10

Te ch'ul abat yu'un te Cajwaltic jich la yalbey xan: —Ya me quesmantesbat ats'umbal ta patil, tsobol ya xc'ot, ma xju' ta ajtayel.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 25:23

Albot yu'un: —Cha'chajp nación ya xloc' a te alaletic awic'oje, cha'chajp lum te ay to ta ach'ujt' a te scontroinej sbaique. Te jtule c'ax jich ya xju' yu'un te bit'il te yane, te banquilale abatil ya xc'ot yu'un te ijts'inale —xi' sc'oplal yu'un te Cajwaltique.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 48:19

Ja'uc me to, ma la sc'an te state, jich la yalbey te José: —Ya jna' stojol, jnich'an, ya jna' stojol. Ya x'esmaj soc sts'umbal uuc, soc muc' ya xc'ot ta loq'uel. Ja'uc me to, ja' c'ax jich ya xc'ot stuquel te yijts'ine, soc bayal ta jchajp nación ya xloc' a te sts'umbale —xi' sc'oplal yu'un.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.