Génesis 17:3 - Bible in Tzeltal de Oxchuc y Tenejapa

³ Jich te Abram la stinan sba coel c'alal ta lum ta stojol Dios, jich c'oponot xan yu'un:

Bible in Tzeltal Bachajón

³ Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

Génesis 17:3 ပူးပေါင်းရင်းမြစ်များ

Génesis 17:17

Te Abraham la stinan sba coel c'alal ta lum ta stojol te Diose. Jajch' ta tse'ej yu'un, jich la yal ta yo'tan: “¿Ban c'an taluc xan snich'an te mach'a mamalixe, te ayix jo'winic (100) ya'wilale? Soc ¿bit'il c'an alajuc te Sara, te lajuneb yo'winic (90) ya'wilale?”, xi' ta yo'tan.

Génesis 18:2

La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

1 Reyes 18:39

C'alal la yilic te bi c'ot ta pasel, spisilic te mach'atic tey ayic a, la stinan sbaic coel c'alal ta lum, jich la yalic: —¡Ja' Dios te Cajwaltic, melel ja' nix Dios stuquel a te Cajwaltique! —xiic.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Ezequiel 1:28

pajal soc arco iris te ya xchicnaj ta yolil tocaletic te c'alal ay ja'ale. Jich jul ta jtojol te xojobil te yutsilal te Cajwaltique. Te c'alal la quile, la jtinan jba coel c'alal ta lum.

Ezequiel 3:23

Jich jajch'on bael, loc'on bael ta spamlej. Tey la quilbey xojobil yutsilal a te Cajwaltique, jich nix te bit'il la quilbey ta sti'il muc'ja' Quebar. La jtinan jba coel c'alal ta lum.

Ezequiel 9:8

Te c'alal jich yacalic ta spasel, jilon jtuquel. La jtinan jba coel c'alal ta lum, soc xc'uxul mel-o'tan ta co'tan awunon, jich la cal: —Cajwal, ¿ya bal at'omes bael ta stojol Jerusalén te awilimbae? ¿Ya bal alajin ta jc'axel te jteb xan israeletic jileme? —xoon.

Daniel 10:9

Te la caiy c'opoje, ma'yuconix ta q'uinal la caiy, pajc'ajon bael ta lum yu'un.

Números 14:5

Te Moisés soc te Aarón la stinan sba coel c'alal ta lum ta sit spisil Israel.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

Números 16:45

—Loc'anic bael ta stojol te lume, ora nax me ya jlajin —xi' te Diose. Te Moisés soc Aarón la spajc'an sbaic, la stinan sbaic coel c'alal ta lume,

San Mateo 17:6

Te c'alal la yaiyic stojol te jnopojeletique, bayal xiw yo'tanic yu'un, soc la stinan sbaic coel c'alal ta lum.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Jueces 13:20

C'alal til moel c'ajc' ta scajtijib majt'anil, te Manoa soc te yinam la yilic te ch'ul abat yu'un Cajwaltic, mo bael ta ch'ulchan ta yolil te c'ajc' xpulpon nax ta tilele. Jich la stinan sbaic coel c'alal ta lum.