Génesis 15:16 - Bible in Tzeltal de Oxchuc y Tenejapa

¹⁶ Ta xchancajal ats'umbal ya xcha'talic xan li'to, yu'un ma to sts'acaj jayeb smul te amorreoetique —xi' sc'oplal yu'un.

Bible in Tzeltal Bachajón

¹⁶ Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

Génesis 15:16 ပူးပေါင်းရင်းမြစ်များ

1 Reyes 21:26

La sboltes sba ta jc'axel ta scaj te la xch'uun te loc'ombaetic diosinbilique, jich te bit'il la spasic ta spisilic te amorreoetic te la xch'oj loq'uel ta stojol te israeletic te Cajwaltique.)

Daniel 8:23

“Te c'alal ya sta yorail te ya xlaj yipic te chanchajp ajwaliletic, soc teme c'ax toyix a te mulile, ya me x'och jtul muc' ajwalil. Bayal me yip sp'ijil sbolil, ya me yich' tulan yat'el ta mandalteswanej.

1 Tesalonicenses 2:16

Melel te judioetique ya scomotic te ya jcholbeytic yaiy te jyanlumetique, swenta yu'un ya me xcolic uuc. Jich yanyan ta esmajel smulic te judioetique, ja'uc me to, ayix ta swentaic te tulan castigo yu'un te Diose.

Éxodo 12:40

Te israeletic ainic ta Egipto lajuneb xcha'winic xcha'bajc' (430) ja'wil.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Levítico 18:24

“Ma me ayuc x'aboltes abaic ta swenta te bitic la calixe. Melel ja' boloben c'ot yu'un te yajwal lumetic ya jch'ojbeyex loq'uel ta atojolic,

2 Reyes 21:11

—Ta swenta te bit'il la spasic te bitic amen nax sba te Manasés, soc te bit'il c'axem jich amen bitic la spas a te bit'il amorreoetic te neelal to yu'une, soc te ja' la yac' yaluc ta mulil te yajwal te Judá ta scaj te loc'ombaetic yu'une,

Génesis 10:16

Ja' sts'umbal Canaán te jebuseoetic, te amorreoetic, te gergeseoetic,

Génesis 48:21

Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:4

Ja' me loq'uex bael a in c'aal to te u yu'un Abib.

Deuteronomio 9:4

Te c'alal la xch'ojbeyex loq'uel te acontroic te Cajwaltic te Dios cu'untique, ma me jichuc xawalbey abaic: “Te Cajwaltic ta scaj nix slequil cat'eltic te la yac'botic cu'unintic te lumq'uinal in to”, ma me xauquex, melel ta scaj nix amen yat'elic te ya xch'ojotic loq'uel yu'un te Cajwaltique.

Deuteronomio 9:5

Melel ma yu'unuc slequil awat'elic, soc ni yu'unuc lequex ta winiquil ja'ex te ya awu'uninbeyic te slum-sq'uinalique. Ya xch'ojbeyex loq'uel ta asitic te Cajwaltic ta scaj te amen yat'elic, soc swenta yu'un ya xc'ot ta pasel a te bila chapal yu'un ta stojol Abraham, Isaac soc Jacob, ja' te antiguo ats'umbalique.

Salmos 105:43

Te Dios jich la sloq'ues te lum tsabil yu'un, yacalic ta aw loq'uel swenta yutsil q'uinal la yaiyic.