Génesis 13:9 - Bible in Tzeltal de Oxchuc y Tenejapa

⁹ ¿Ma bal muc'uc te q'uinale? Bayuc ya xju' ya xbaat. Ya calbat wocol yacuc quijq'uitay jbajtic, teme stojol norte ya xbaat te ja'ate, stojol sur ya xboon te jo'one, teme stojol sur ya xbaat te ja'ate, stojol norte ya xboon te jo'one —xi'.

Bible in Tzeltal Bachajón

⁹ ¿Ma bal ayuc ta atojol spisil te q'uinale? Ya calbat wocol te yacuc awihquitayon hilel. Teme ya xbahat ta q'uexam, ho'on ya xbohon ta wa'el; teme ya xbahat ta wa'el, ho'on ya xbohon ta q'uexam, xchi.

Génesis 13:9 ပူးပေါင်းရင်းမြစ်များ

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 13:8

Te Abram jich la yalbey te Lote: —Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique.

Génesis 20:15

Soc jich la yal te Abimelec: —Ila me awil spisil te jq'uinale, nainan tey a te banti ya sc'an awo'tane —la yut.

Génesis 34:10

Soc nainanic ta coliltic, chican banti ya amulan te q'uinale. Nainanic li'to, at'ejanic soc manaic ta bay ya amulanic te q'uinale —xi'.

Salmos 120:7

te c'alal ya calbey sc'oplal lamal q'uinal, ya yalbeyic sc'oplal guerra stuquelic.

Jeremías 40:4

Yan te ja'ate ya me awil yo'tic ya jloq'uesbat te cadena te chuculat ae. Teme ya ac'an ajoinon bael ta Babilonia, ya me xju' xtalat, jo'on ya jcanantayat. Yan teme ma x'ac'an xtalate, jilan abi. Ila me awil spisil te lumq'uinal te ay ta atojole, baan me tey a te banti lec ya smulan awo'tane.

Romanos 12:18

Ta bay c'alal ya xju' awu'unique, ya sc'an te lamaluc q'uinal awu'unic soc te yantique.

1 Corintios 6:7

Te bit'il ya xjajch' c'op awu'unique, tey chican a te bit'il ay bayal to sc'an awu'unique. ¿Ma bal ja'uc lec te yacuc sts'ijc' awu'unic te c'ope? ¿Ma bal ja'uc lec te yacuc sts'ijc' awu'unic teme ay mach'a ay bila ya spojbate?

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.