Génesis 12:3 - Bible in Tzeltal de Oxchuc y Tenejapa

³ Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Bible in Tzeltal Bachajón

³ Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Génesis 12:3 ပူးပေါင်းရင်းမြစ်များ

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Génesis 24:35

Bayal ac'bil bendición yu'un Dios te cajwal, jc'ulej yu'un: ay bayal xchij; ay bayal swacax; ay bayal oro soc plata yu'un; ay bayal manbil abatetic winiquetic soc antsetic yu'un; soc ay bayal camelloetic soc burroetic yu'un.

Génesis 25:11

Lajemix a te Abraham, ac'bot bayal bendición yu'un Dios te Isaaque. Nain ta bay pozo: “Ya yilon te cuxul Dios”, te xi' sbiile.

Génesis 26:29

yu'un ya jc'an ya jchajbantic trato te bit'il ma ba ya awuts'inotic, yu'un ma'yuc bila amen la jpastic ta atojol. Lec co'tantic awu'un, sbelal la jticunticat loq'uel tel, melel te ja'ate ay bendición ta atojol yu'un Dios —xiic ta stojol.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 27:29

Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 30:27

La sjac' te Labán: —Teme c'uxon ta awo'tan, joinawon xan. Yu'un la quil ta swenta seña te bit'il ja'at ta awenta te yac'ojbon bendición te Cajwaltique.

Génesis 30:30

Ma'yuc tsobol chambalam awu'un a te c'alal talone. Ta ora to, esmajix, te Cajwaltic la yac'batix bendición ta jwenta. Yo'tic ya me jc'an jleix te bila ya xtuun cu'un soc te mach'atic jayeb ay cu'une —xi'.

Génesis 39:5

Te c'alal och ta swenta José spisil sbiluc, soc spisil sna te yajwale, jich chicnaj bendición ta stojol te egipcio-winic ta swenta bit'il sjoinej te José. Ta sna soc ta sq'uinal ay bendición ta stojol yu'un te Cajwaltique.

Salmos 72:17

Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.

Éxodo 23:22

Yan teme ya ach'uunbeyic ta melel te sc'ope, soc teme ya apas spisil te bit'il calojbeyexe, ya me jcontroin te mach'atic ya scontroinate. Ja' me jcontro ya xc'ot te mach'atic acontroe.

Números 24:9

C'alal ya smejts'an sba ta xcuxel yo'tanic, jich yilel te bit'il león-choj: ma'yuc mach'a ya xjelaw ta stijel. Jelawen yutsil te mach'a ya sc'anbat bendición, ya me yich' castigo te mach'a ya sc'anbat castigo —xi' te Balaam.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

San Mateo 25:45

“Ja'uc me to, jich me ya yalbey: “Jamal ya calbeyex, te bit'il ma jichuc la apasbeyic jtuluc te mach'atic peq'uel ayique, jo'on te ma la apasbonic ta jtojole”, ya me yut.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Gálatas 3:16

Te Abraham albot yu'un Dios te bi yilel ya xc'ot soc te sts'umbale. “Ta spisil te ats'umbale”, ma xiuc te Sjun Diose, melel ma ja'uc la yalbey sc'oplal ta spisilic. “Ats'umbal” xi', melel jtul nax te ay sc'oplal te sts'umbale. Ja' nax te Cristoe.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Gálatas 3:8

Melel namey chicnaj ta Sjun Dios te bit'il toj ya x'ilot yu'un Dios te jyanlumetic ta swenta bit'il ya yac' xch'uunjel yo'tanique. Dios la yal ta neelal to ta stojol Abraham te lec yach'il c'ope, ja' bi: “Ya me staic bendición spisil nacionetic ta awenta”, te xie.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.