Génesis 11:3 - Bible in Tzeltal de Oxchuc y Tenejapa

³ Jich la yalbey sbaic: —Ja' lec jpastic ladrillo, ya jchic'tic ta c'ajc' —xiic. Ja' ton c'ot yu'unic te ladrillo, soc ja' mescla c'ot yu'unic te xuch' te stuquel ya xloc' ta lumq'uinale.

Bible in Tzeltal Bachajón

³ Hich la yalbe sbahic: Conic, jpastic ladrillo, ya jchic'tic ta c'ahc', xchihic. Ha ton c'oht yu'unic te ladrillo, soc ha mescla c'oht yu'unic te chapapote.

Génesis 11:3 ပူးပေါင်းရင်းမြစ်များ

Génesis 11:4

Soc jich la xchajbanic: —La'ic jpastic muc'ul lum, soc ya me jpastic jun muc'ul toyol ts'ajc' te bayal ta caj moel, c'alal ta ch'ulchan ya xc'ot cu'untic. Ja' lec muc' ac'a c'otuc jc'oplaltic, ma me xpujc'otic bael ta spamal balumilal —xiic.

Génesis 11:7

Jich yu'un ja' lec coucotic bael, ya jc'atp'unbeytic sc'opic, swenta yu'un jich ma xyaiybey sbaic sc'opic juju-jtul”, xi' te Cajwaltique.

Génesis 14:10

Ta spamlej Sidim ay bayal ta jsejp lumq'uinal te ay xuch' tey a. Loq'uic ta anel te muc' ajwaliletic yu'un lum Sodoma soc yu'un lum Gomorra, tey ts'ajbajic coel ta xuch'. Te jaytul xan muc' ajwaliletic te jilemique, anic bael ta witstiquil.

2 Samuel 12:31

Te jayeb xan te mach'atic jilemic to, la yich'ic loq'uel. La yac' ta at'el ta sierra, la yac'bey snit at'ejibal yu'un swuyel trigo, la yac' ta at'el ta echej, soc la yac' ta at'el ta hornoetic yu'un ladrillo. Ja' nix jich la spasbey spisil ta jpam lumetic yu'un te amonetique. Patil sujt' xan bael ta Jerusalén soc spisil te soldadoetic yu'une.

Salmos 64:5

Ja'ic nix ya yac'bey sba yip yo'tanic ta spasel te bila amene; ya xchapic yu'un ya xchajbanic pejts' te ma xchicnaj ta ilele. Ya scuyic te ma'yuc mach'a ya xju' ya x'ilotic yu'un;

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Éxodo 2:3

Ja'uc me to, ma ju' yu'unic snaq'uel bayal c'aal. Jich la spas ch'in moch ta jalal. La smac ta lec te bay japajtique, la spac'bey a te bila ay xuch'ile. Tey la yac' ochel a te alale. La st'uman bael ta ja' ta bay jalaletic ta ti'ti'ja' Nilo.

Proverbios 1:11

Teme jich ya yalbat: “La', t'unawotic, ya jpastic pejts' ta swenta nax sc'anjel co'tantic, swenta yu'un ya jmiltic mach'auc ch'ayal yo'tan ya xc'ax.

Eclesiastés 2:1

Jich la cal xan ta co'tan: “Yo'tic ya jpas quil prueba: ya me jpas te bitic ya smulan spasel te co'tane, ya jpas te bila ya jc'an te cuxulone”, xoon yu'un. Ja'uc me to, mero tojol ta jyalel.

Isaías 5:5

Lec ay jiche, ya calbeyex awaiyic te bila jnopoj spasel ta stojol te ts'usubiltic cu'une: Ya jloq'uesbey smajq'uil swenta yu'un ya sjinic te mach'atic ya xc'axique; ya jch'oj coel te sts'ajc'ul swenta yu'un ya spech'ic ta teq'uel;

Isaías 65:3

Ja' te lum te la slabanon ta mero jsit, spisil ora la yaq'uic ilinucon. La yac'beyic milbil majt'anil te lotil diosetic ta bay awalts'unubil, soc la xchic'beyic pom ta scajtijib te spasojbeyic ta ladrillo.

Isaías 9:10

—Ch'ayemiquix coel te ladrilloetique; ja'uc me to, ya me jpastic ta ton. La sbojbeyiquix te sts'amte'al te pasbil ta sicómoro-te', pero ya cac'beytic sjelolin ta cedro —xiic.

Nahúm 3:14

Chajbana awa'al, swenta yu'un ya xju' xcuxinat a te bit'il macbilat ta yutil lum, tulantesa xan ta bay ya acoltay aba ta ac'opique. Ochan ta ajch'al, wots'a ta teq'uel te ajch'ale, tsacbeya smoldeil te ladrilloe.

Hebreos 10:24

Ya sc'an te talel c'axel ya jech jtijbey jba co'tantic te c'uxuc ya caiy jbajtic ta jpisiltique soc te yacuc jpastic spisil te lequil at'elile.

Hebreos 3:13

Te bit'il yo'tic to ya sc'an ya jch'uuntic te Diose, ja' ya sc'an te ya ajechtac'uy abaic jujun c'aal, swenta yu'un ma me ayuc jtuluquex te ya xlajex ta lo'layel yu'un mulil, te jich tulan awo'tanic ya xc'oex yu'une.

Santiago 4:13

Nopa awaiyic ta lec te jich ya awalique: “Yo'tic soc pajel cha'wej ya xbootic ta bay in lum to. Ya me xjalajotic jun ja'wil tey a. Ya me caiytic chonbajel soc manbajel. Jich me ya jpastic ganar”, te xaexe.

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.