Génesis 10:9 - Bible in Tzeltal de Oxchuc y Tenejapa

⁹ Yajwal smilel chambalam ta ja'mal ta swenta sc'anjel yo'tan te Diose. Ja' swentail te jich ay ta alel: “Jich yo'tan bit'il Nimrod, te mero ju'em yu'un smilel chambalam ta ja'mal ta swenta sc'anjel yo'tan te Diose”, te xie.

Bible in Tzeltal Bachajón

⁹ Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

Génesis 10:9 ပူးပေါင်းရင်းမြစ်များ

Génesis 10:10

Tey mandalaj a ta bay lum Babel, ta Erec, ta Acad soc ta Calne, te ayic ta sq'uinal Sinar.

Génesis 10:8

Ja' sts'umbal Cus te Nimrod, te mach'a sbabial tulan yac'oj sba ta balumilale.

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Génesis 25:27

Muc'ubic te alaletique. Te Esaú yat'elinej beel ta witstiquil, la sna' ta lec nutsojel stuquel. Yan te Jacob la smulan te ya x'ain ta sna.

Génesis 27:30

Laj yo'tan ta sc'anel bendición ta stojol te Jacob. Loq'uel to bael a te Jacob te jul tel ta nutsojel te Esaú, te sbanquile.

Génesis 6:11

Te Dios la yil te nojemix ta mulil soc ta uts'inwanej ta spamal q'uinal,

Génesis 6:4

Te mach'atic najt'il winiquetic chicnajic ta balumilal te c'alal la yic' sbaic soc yantsil-nich'nab winiquetic te snich'nab te Diose. Soc chicnajic xan ta patil bael, ja'ic te mach'atic pujq'uem sc'oplalic te bit'il tulanic ta namey q'uinale.

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.

Isaías 18:2

te ya sticun abatetic te muc' yat'elic ta bay muc'ja' Nilo, ya xbeenic bael ta ja' soc barcoetic pasbil ta jalal. Baanic, ja'ex te tulan ya xbeenexe, baanic, ijq'uitayaic jilel c'opetic ta stojol te mach'atic jun nax sts'umbalic, te toyol snajt'il, te xch'ululet snujc'ulelique, ja' te mach'atic xi'bilic ta bayuque, te ants-winiquetic te tulanic soc te cajal yac'oj sbaic te nainemic ta q'uinal te bayal beja'etic yu'une.

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

Ezequiel 13:18

Jich xawalbey sc'oplalic: “Jich ya yal te Cajwaltique: ‘Te ja'exe ay me awocolic te awo'tanic ya atsaquic te ants-winiquetic, te ya ats'isic ch'in pac' te ay yu'el ta ac'opic, te awo'tanic ya abech'beyic ta snuc' sc'abic spisil ta jtul ants-winiquetic, soc ya apasic mujq'uil jololetic, swenta yu'un tsobol me mach'atic ya smuc sbaic a. ¿Ya bal acuyic te ya xju' awu'unic te ya apasic mandal te ya xcuxin o ya xlaj te lum cu'une, chican te bila ya amulanic spasel ta stojolic?

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.