Génesis 1:5 - Bible in Tzeltal de Oxchuc y Tenejapa

⁵ Dios la yac'bey sbiil te saquil q'uinale, “c'aaleltic” sbiil c'ot yu'un. Soc la yac'bey sbiil te ijc' q'uinale, “ajc'ubal” sbiil c'ot yu'un. Te yijc'ubel q'uinal soc te sacubel q'uinale, ja' sbabial c'aal abi.

Bible in Tzeltal Bachajón

⁵ Dios la ya'be sbihil c'ahc'alel te sacal q'uinal, soc ahc'abal la ya'be sbihil te yihc'al q'uinale. Te yihc'ubel q'uinal soc te sacubel q'uinal, ha jun c'ahc'al.

Génesis 1:5 ပူးပေါင်းရင်းမြစ်များ

Salmos 74:16

Ja'at awu'un te c'aaleltic, ja'at awu'un te ajc'ubale; ja'at la awac' ainuc ta yawil te ue, ja'at la awac' ainuc ta yawil te c'aale;

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

1 Tesalonicenses 5:5

Melel te ja'exe ayex ta swenta te saquil q'uinale soc te c'aleltique. Jpisiltic ma'yucotic ta swenta ajc'ubal soc ijc' q'uinal.

Salmos 104:20

Ya alich' tel jichuc ijc'al pac' te ajc'ubale, jich ya xloc' tel te ja'mal chambalametic.

Génesis 8:22

Te jayeb c'aal ay te balumilale, ma xch'ay te bit'il ay yorail awal soc ay yorail c'ajoj, ay me yorail sic soc ay me yorail c'ajc'alel q'uinal, ay me yorail verano soc ay me yorail invierno, ay me c'aal soc ay me ajc'ubal ta balumilal”, xi'.

Salmos 19:2

Te jujun c'aal ya sc'opon sbaic c'oem; te jujun ajc'ubal ya yalbey sbaic p'ijil c'op.

Jeremías 33:20

—Jo'on Ajwalilon ya cal: Ma xju' te ya xquejch'aj ta pasel te trato jchapoj soc te c'aal soc te ajc'ubale. Ma xquejch'aj te trato jpasoj soc, te ya xjul ta yorail.

Efesios 5:13

ja'uc me to, te c'alal jamal ya yich' alel ta saquil q'uinal te bila ya spasique, tey me ya xchicnaj a te bila amene.

1 Corintios 3:13

Te yat'el juju-jtule ya me xchicnaj te bi yilele, melel ya me sta sc'aalelal te ya yich' tsajel ta c'ajc' te yat'el ta juju-jtule.

Génesis 1:8

Dios la yac'bey sbiil te xyaxal moele, “ch'ulchan” sbiil c'ot yu'un. Te yijc'ubel q'uinal soc te sacubel q'uinale, ja' xchebal c'aal abi.

Génesis 1:31

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Génesis 1:23

Te yijc'ubel q'uinal soc te sacubel q'uinal, ja' yo'ebal c'aal abi.

Génesis 1:19

Te yijc'ubel q'uinal soc te sacubel q'uinale, ja' xchanebal c'aal abi.

Génesis 1:13

Te yijc'ubel q'uinal soc te sacubel q'uinale, ja' yoxebal c'aal abi.

Números 20:29

C'alal la sna'ic stojol israeletic te lajemix te Aarón, ay lajuneb xcha'winic (30) c'aal la yoq'uetayic.

Salmos 65:8

Te mach'atic nainemic ta c'ubul q'uinal ya xnijq'uic ta stojol te jchajp at'eliletic awu'une; ta awenta atuquel ay aw swenta yutsil q'uinal ta stojol sloq'uib c'aal soc ta smalib c'aal.