Génesis 1:3 - Bible in Tzeltal de Oxchuc y Tenejapa

³ La yal te Diose: “Ac'a sacubuc q'uinal”,, xi'. Jich a sacub te q'uinale.

Bible in Tzeltal Bachajón

³ La yal te Diose: Ac'a sacubuc q'uinal, xchi. Hich sacub q'uinal.

Génesis 1:3 ပူးပေါင်းရင်းမြစ်များ

Génesis 2:4

Jich ay sc'oplal bit'il chicnaj te ch'ulchan balumilale. Te c'alal pastaj yu'un Cajwaltic Dios te balumilal soc te ch'ulchane,

Job 36:30

Te Diose ja' ya slim bael ta sba mar te tsantsewale, ya yac' mujc'uc jilel ta mero sc'ubulil te muc'ul mar.

Job 38:19

“¿Banti q'uejbil te saquil q'uinale, soc banti q'uejbil te ijc' q'uinale?

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Salmos 118:27

Te Cajwaltic ja' Dios stuquel, ja' ya sacub q'uinal ta jtojolic yu'un. Jajch'uc meix te q'uin, ich'aic bael sc'ab te'etic ja' to c'alal ta xulubil scajtijib smajt'an te Diose.

Salmos 148:5

Albeyaic yutsilal sbiil te Cajwaltique, melel ja' stuquel la yal mandal, jich pastaj spisil te bitic ayique;

Salmos 33:6

Te ch'ulchan soc spisil te bitic ay yu'une, ja' la spas te Cajwaltic ta swenta sc'op soc ta swenta ic' te loc' ta yee.

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Salmos 97:11

Te luz ya xtil ta stojol te mach'a lec yo'tan; te sbujts'-o'tanil, ay ta swenta te mach'atic toj yo'tane.

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

Isaías 60:19

“Ma me xtuunix awu'un c'aal te ya xojobaje, soc te u te ya xojobaj ta ajc'ubale. Melel jo'on Awajwalon, ja' me ya xojobajon sbajt'el q'uinal; jo'on te Dioson awu'une, jo'on awutsilal ya xc'oone.

San Mateo 8:3

Jich te Jesús, la scajanbey sc'ab ta sjol, soc la yalbey: —Jichuc, ya xcolat ta chamel —xi'. Te c'alal jich la yal te Jesuse, ch'ay c'axel te sc'a'el-chamele.

San Juan 1:5

Te saquil q'uinale sacubenix bay te ijc' q'uinale soc te ijc' q'uinale ma ba ju' yu'un stup'el.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Juan 11:43

Te c'alal la yal jich in to, tulan c'opoj: —¡Lázaro, la', loc'an tel! —la yut.

San Juan 3:19

Ja' smulic c'ot te c'alal tal ta balumilal te saquil q'uinale, te ants-winiquetic ma la smulanic. Ja' toyol yo'tanic yu'un te ijc' q'uinale scaj te bit'il amen te yat'elique.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

1 Juan 1:5

Ja' in sc'op Dios to, ja' la yac'botic jnoptic te Jesucristoe. Ja' te ya calbeyex awaiyic: Te Diose, ja' saquil q'uinal, ma'yuc ijc' q'uinal ta swenta stuquel.

1 Juan 2:8

Ja'uc me to, yu'un nanix ach' mandalil c'oem te ya jts'ibubeyexe, te melel yach'il c'ot yu'un te Cristoe soc yach'il yaquix ta c'oel awu'unic uuc. Jich yaquix ta ch'ayel bael te ijc' q'uinale; ja' yaquix ta xojobajel te mero saquil q'uinale.