Filemón 1:9 - Bible in Tzeltal de Oxchuc y Tenejapa

⁹ ja'uc me to, ja' lec te ja' ya calbat wocol ta swenta xc'uxul co'tan. Te jo'on Pabloon, te mamalonixe soc te ayon ta chuquel ta swenta te Cristo Jesuse,

Nuevo Testamento Tzeltal de Amatenango

⁹ Pero jaꞌ ya kalbeyat awokoluk ta skuenta te skꞌuxul awoꞌtane. Joꞌon jPabloon, te mamalonix, y te ora to ayon ta prexo ta skaj te Cristo Jesuse,

Bible in Tzeltal Bachajón

⁹ ya calbat wocol ta scuenta sc'uxul awo'tan, ho'on, Pablohon, te mamalonix soc te ayon ta chuquel ta ora ini ta scuenta te Jesucristo.

Filemón 1:9 ပူးပေါင်းရင်းမြစ်များ

Salmos 71:18

Dios cu'un, ma me xapijt'eson, manchuc me mamalonix soc te saquix jole; ma me xapijt'eson, melel ya to me calbey yaiyic te smuc'ul awu'el te mach'atic ayic ta balumilal soc te mach'atic ya to xc'axic ta balumilale.

Salmos 71:9

Ma me x'awilayon te bit'il mamalonixe; ma me xapijt'eson te bit'il ma'yuquix quipe.

Proverbios 16:31

Teme saquix sjol, ja' slequil corona, te ac'botix yu'un te bit'il lec yo'tan soc lec yat'el.

Isaías 46:4

Soc ja' nix jich ya jpasulay bael c'alal ya xmamalubex; te c'alal saquix ajolic a, ja' nix jich ayex ta jc'ab. La jpasix, soc jich nix ya jcuchex bael; ayex ta jc'ab soc ya jcoltayex.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Efesios 3:1

Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Efesios 6:20

Dios sticunejon ta c'op ta stojol te ants-winiquetique. Ja' swentail te ayon ta chuquel ta cadena ta ora to. C'oponbonic Dios te ma ba xiw co'tan ta xcholele.

1 Timoteo 1:12

Ya calbey wocol te Mach'a la yac'bon yip co'tane, ja' bi ja' te Cajwaltic Jesucristo. Yu'un te bit'il la yil te jun nax co'tane, jich la yac'bon quich' cat'el,

Tito 2:2

Te jtatiquetique ya sc'an ya sna' stsajtayel yo'tanic, soc te lec yo'tanique, soc te ma xjelawique. Ya sc'an te ay lec xch'uunjel yo'tanic soc xc'uxul yo'tanic, soc te ya sts'ijc' yu'unique.

Hebreos 13:19

Ya jc'anbeyex te ya me ac'oponbon Dios te yacuc yac'on bael ta ora tey a ta banti ayexe.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

Jueces 21:22

Teme ya xtal sc'oponotic te sme'-static o yermanotac te ach'ixetique, ya me calbeytic: ‘Jo'otic ya caltic wocol ta atojolic te ya apasbotic perdón, yu'un ma la jtabeytic yinamic ta spisilic a te c'alal ba cac'beytic guerra te lum Jabes. Te bit'il ma ja'uc la awac'beyic te ja'ex, jich ma'yuc amulic yu'un’, ya me cutic”, xiic.