Filemón 1:6 - Bible in Tzeltal de Oxchuc y Tenejapa

⁶ Ya jc'oponbat Dios, te bit'il ya apucbey sc'oplal te xch'uunjel co'tantique, te yacuc xc'ot ta awo'tan ta lec te bit'il ay sc'oplal spisil te bendición te ayix ta jwentatic yu'un te Cristo Jesuse.

Nuevo Testamento Tzeltal de Amatenango

⁶ Yuꞌun te jun kꞌoemotik ta skuenta te xchꞌuunel koꞌtantike, ya kalbe kola yal Dios te ya xkꞌo jnaꞌtik xan lek ta spisil te bendisionetik te ay kuꞌuntik ta skuenta te Cristo Jesuse.

Bible in Tzeltal Bachajón

⁶ soc ya jc'ambe Dios te ha ta scuenta te jun ayotic ta sch'uhunel, yacuc ana' spisil te bintic lec ay cu'untic ta scuenta Cristo.

Filemón 1:6 ပူးပေါင်းရင်းမြစ်များ

San Mateo 25:16

“Jich te abat te la yich' jo'eb talento-taq'uine ba yaiy manbajel soc. Jolon jo'eb talento yu'un.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

1 Corintios 14:25

Jich ya xchicnantesbot te bila muquen ay ta yo'tanique, soc jich me ya squejan sbaic ta yalel wocol ta stojol te Diose. Ya me yalic ta jamal te melel ja' Dios te ay ta awolilique.

1 Corintios 16:9

Yu'un jamal q'uinal ya caiy li'to te ya x'at'ejon xane, soc te ya xmuc'ub te at'ele, manchuc teme ay tsobol ya scontroinonic yu'une.

Filipenses 4:8

Quermanotac, slajibalix ya calbeyex in to: Ja' me xbajt' ta awo'tanic sna'ulayel spisil te bila melele, spisil te bila lec nax ta aiyel stojole, spisil te bila toj ta pasele, spisil te bila ma capaluc ta mulile, spisil te bila ay yutsile soc spisil te bila lec ac'oplal yu'une. Ja' me xbajt' ta awo'tanic sna'el spisil te bila leque soc spisil te bila t'ujbile.

Colosenses 1:9

Ja' swentail te jajch' jc'oponbeyex Dios te bi c'aalil la caiytic stojole. Xujt' ma jcom jbatic ta sc'anel ta stojol Dios te yacuc yac'beyex ana'ic ta lec te sc'anjel yo'tane, soc te yacuc yac'beyex ana'ic stojol spisil ta jchajp te bila ya xju' ta na'el stojol awu'unique, soc te yacuc yac'beyex sp'ijil awo'tanic ta swenta te Espiritue.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Tito 3:14

Te mach'atic pajal jch'uunejtic Dios soque ac'a me snopic spasel te bila leque. Ya sc'an ya xc'uxtayic te mach'atic ay yo'bolil sbaic ta q'uinale, swenta yu'un ma tojoluc cuxul ta q'uinal te mach'atic xch'uunejic te Diose.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

Santiago 2:14

Quermanotac, ¿bi ya xloc' yu'un a te ay mach'a ya yal te ay xch'uunjel yo'tan teme xujt' ma xchicnaj ta swenta te yat'ele? ¿Ya bal xcol yu'un awaiy ta swenta te xch'uunjel yo'tane?

Santiago 2:17

Ja' nanix jich te xch'uunjel-o'tanile, teme ma xchicnaj ta swenta te at'elile, lajem abi.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

1 Pedro 3:1

Ja' nanix jichex uuc antsetic, junuc me awo'tanic ch'uunbeyaic smandal te amamlalique, swenta yu'un teme ay ma ba xch'uunejic sc'op Dios te amamlalique, tic' ya xch'uunic a teme ya yilic te bit'il lec spisil te bila ya apasique.

1 Pedro 3:16

Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

2 Pedro 1:8

Melel teme ayix awu'unic spisil in to, soc teme yaquix ta esmajel ta awo'tanique, jich ma tojoluc te cuxulex ta q'uinale, soc jich ma tojoluc te la ana'beyiquix sba te Cajwaltic Jesucristoe.