Éxodo 40:9 - Bible in Tzeltal de Oxchuc y Tenejapa

⁹ “Tsaca me te aceite swenta ch'ultesel, balanbeya te ch'ul awilal soc spisil te bitic tey a. Jich me ch'ultesbil ya xc'ot soc spisil a te bitic ay tey a, ch'ul awilal meix abi.

Bible in Tzeltal Bachajón

⁹ Ya me awich' tal te aceite yu'un ch'ultesel, ya me amal a te Nahilpac' Templo soc spisil te bintic ay tey a; ya me ach'ultes soc spisil te bintic ya xtuhun tey a, hich ch'ultesbil ya xc'oht a.

Éxodo 40:9 ပူးပေါင်းရင်းမြစ်များ

Salmos 45:7

Ja' ya smulan awo'tan te bila lec ta pasele; ja' ilaybil awu'un te bila ma lecuque. Ja' yu'un stsaojat Dios, ja' la stsaat te Dios awu'une; yac'ojbat bayal yutsil q'uinal awaiy, c'ax jich awich'oj a te bit'il yantic.

Éxodo 37:29

Te Bezaleel la spas te aceite swenta ch'ultesel, soc te pom te capal soc lequil perfume. Jich la spas te bit'il mach'a ya sna' spasel perfumeetic.

Éxodo 39:39

te scajtijib ta chiq'uel milbil majt'anil pac'bil ta potsel ta bronce soc srejail, te sq'uechjibal soc spisil te bitic ya xtuun yu'un; te yawil ja' soc te scajtijib;

Éxodo 40:8

Najc'ana te scorralil ta sjoyobal. Jojc'ana te smajq'uil pac' ta yochibal te corrale.

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Ezequiel 28:14

La cac'at jilel ta canantayel yu'un tsabil querubín, ayat ta ch'ul wits yu'un Dios a, yacat ta beel ta yolil eq'uetic.

Levítico 8:10

Patil te Moisés la stsac te aceite swenta ch'ultesel, la smal ta Nailpac' Templo, soc ta sba spisil te bitic ayic ta yutile, jich la yich' ch'ultesel yu'un Dios.

Números 7:1

Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

San Mateo 3:16

C'alal la yich'ix ja' te Jesuse, loc' tel ta ja'. Ora jam te ch'ulchane. La yil coj tel te Espíritu yu'un Dios, jich bit'il stsumut te jul ta stojole.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

2 Corintios 1:22

Jich yac'ojbotiquix quich'tic te selloe, soc yac'ojbotiquix ainuc ta co'tantic te Ch'ul Espiritue swenta seña te bila ya yac'botic xan ta patile.

2 Corintios 1:4

Ja' ya smuc'tesbotic q'uinal caiytic ta jpisiltic te c'alal ayotic ta woclajele, swenta yu'un jich me ya xju' cu'untic te ya jmuc'tesbeytic q'uinal yaiyic yantic uuc te c'alal ayic ta woclajele. Te bila la smuc'tes q'uinal caiytic a te Diose, ja' nix ya cac'beytic xmuc'ub q'uinal yaiyic a te yantique.

Hebreos 9:21

Jich te Moisés la stsijts'an ta ch'ich' uuc te nailpac' temploe soc spisil te vasoetic te ya xtuun ta yich'el ta muc' a te Diose.

1 Juan 2:20

Yan te ja'exe, malbilix ta awo'tanic te Ch'ul Espiritue, jich spisil ya ana'iquix te bitic aye.