Éxodo 17:9 - Bible in Tzeltal de Oxchuc y Tenejapa

⁹ Jich yu'un te Moisés la yalbey te Josué: —Tsaa bael winiquetic, baan ac'beyaic guerra te amalequetic. Tey me ayon pajel ta jol wits. Ya me jtsac ta jc'ab te bastón yac'ojbon te Diose —xi'.

Bible in Tzeltal Bachajón

⁹ Te Moisés la yalbe te Josué: Tsaha winiquetic, bahan a'beya guerra te Amalec. Pajel ho'on ya jtehc'an jba ta ba tsehl soc ya jtsacbe te snahbate' te Diose, xchi.

Éxodo 17:9 ပူးပေါင်းရင်းမြစ်များ

Deuteronomio 32:44

Te Moisés c'o stejc'an sba ta stojol ta spisil te lum Israel, ja' nix sjoinej te Josué, ja' te snich'an Nun. Tey la yal ta xjajch'ibal soc ta slajibal te c'ayoje.

Éxodo 24:13

Jich mo bael ta wits te Moisés soc te sjoy ta at'ele, ja' te Josué. Bajt'ic ta bay wits yu'un Dios.

Éxodo 4:20

Jich yu'un te Moisés la yic' bael te yinam soc te snich'nabe, la scajanlay bael ta burro, bajt' ta Egipto. La yich' bael te bastón yu'un te Diose.

Éxodo 4:2

—¿Bila ay ta ac'ab? —xi' te Cajwaltique. —Bastón —xi' te Moisés.

Hebreos 4:8

Te ju'uc yu'un te Josué te la yac' ochel tey a ta bay cux-o'tan te israeletique, te Diose ma ba la slebey yan sc'aalelal te jichuque.

Hechos 7:45

Ac'bot ta swentaic te antiguo tatiletic cu'untic. Soc Josué la sq'uechic ochel te nailpac' yu'un te trato te c'alal och sq'uinalinbeyic sq'uinal te jyanlumetic te la yich'ic loq'uesel yu'un te Diose. Tey jil te nailpac' yu'un te trato ja' to c'alal ay ta q'uinal te Davide.

Números 11:28

Jich yu'un te Josué te snich'an Nun, ta squeremil to jajch' sjoin ta at'el te Moisés, jich la yal: —Moisés, cajwal cu'un, Moisés, ma xawac'bey spasic —xi'.

Éxodo 17:13

Te Josué la stsal te amalequetique. Limilic jilel ta lum.

Números 13:16

Ja' sbiilic te winiquetic te la sticun bael Moisés ta stsajtayel te q'uinale. Te Oseas, te snich'an Nun la sjelbey sbiil, Josué c'ot yu'un.

Éxodo 4:17

Ich'a bael te abastone, ja' me ya apas jchajp at'eliletic a —xi' te Diose.

Josué 8:18

Jich yu'un te Cajwaltic la yalbey te Josué: —Ac'beya señail yil yantic te ya x'ochiquix ta yich'el te lum Hai. Jo'on me ya cac'bat ta ac'abic —xi' sc'oplal te Josué. Te Josué la yac'bey señail ta yalel mandal te ya x'ochiquix ta yich'el te lume.

Éxodo 18:21

Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Éxodo 33:11

Te Dios la yilbey sba sit soc Moisés te c'alal c'opoj soque, jich bit'il ya xc'opojic te mach'a jun yo'tan sbaique. Patil te Moisés sujt' bael ta campamento. Yan te sjoy ta at'ele, ja' te Josué sbiil, te snich'an Nun, xujt' ma ba jil yu'un te Nailpaq'ue.

Números 13:8

Oseas, snich'an Nun, te sts'umbal Efraín;

Números 27:18

Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Josué 8:3

Te Josué la xchajban spisil te swinictaque swenta yu'un ya me xbajt'ic ta stojol lum Hai. La stsa lajuneb xcha'winic ta jmil (30,000) soldadoetic. Ta ajc'ubal la sticun bael.