Éxodo 17:7 - Bible in Tzeltal de Oxchuc y Tenejapa

⁷ Meriba c'ot sbiil yu'un, melel tey jajch'ic ta ch'inlajanel a te israeletique. Soc Masah la yac'bey xan sbiil, melel tey la yilbey yo'tan a te Diose. Yu'un jich la yalic: —¿Sjoinejotic bal te Cajwaltique, o ma ba sjoinejotic? —xiic.

Bible in Tzeltal Bachajón

⁷ La ya'be sbihilin Masah soc Meriba te lugar, yu'un tey la yut sbahic a te snich'nab Israel soc la yilbeyic yo'tan te Jehová c'alal la yalic: ¿Ay bal ta cohliltic te Jehová, o ma'uc? te xchihique.

Éxodo 17:7 ပူးပေါင်းရင်းမြစ်များ

Salmos 106:32

La yaq'uic ilinuc yo'tan Dios ta yan buelta ta sts'eel ja'etic yu'un Meriba. Ja' ta scajic te ma lecuc sc'oplal bajt' te Moisese.

Salmos 78:18

La spasic ta prueba te Diose, jajch' sc'an swe'ic te bila la sc'an yo'tanique.

Salmos 81:7

Te c'alal ayat ta buen woclajel ae, la awic'on, jich la jcoltayat; la jac'bat ac'op c'alal ta tocal te banti yac ta t'omel chawuc; la jpasat ta prueba ta sts'eel te ja'etic yu'un Meriba.

Salmos 81:8

Lum cu'un, aiybon awaiy te bila ya calbate; te yacuc ach'uunbon jc'op, Israel.

Salmos 95:8

“Ma me xawac' tulanubuc awo'tanic, jich bit'il la yich' pasel ta Meriba, jich te bi c'aalil c'ot ta pasel ta Masah ta jochol taquin q'uinal.

Éxodo 17:2

Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Números 20:13

Ja' sloq'uibja' te Meriba sbiil ta bay la spasic partejel te israeletic ta stojol te Cajwaltique. Jich la yac' ta ilel te xch'ul yutsilal ta stojolique.

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Números 27:14

Melel ma la ach'uunbonic jmandal ja'ex te chebexe, ta bay jochol taquin q'uinal Zin te c'alal jajch'ic ta tulan c'op te lum ta jtojole. Ja'uc me to, ma la awac'onic ta ich'el ta muc' ta stojolic te c'alal la sc'an ja' yuch'ic —xi'. (Ja' ya yalbey sc'oplal te sloq'uibja' te Meriba sbiile, te ay ta Cades ta jochol taquin q'uinal Zin.)

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

Deuteronomio 31:17

Pero ya me xtil jajch'el ta stojolic te sc'ajc'al co'tane, jich me ya jch'ayic jilel, jc'axel ma me ayuc sc'oplalic ta co'tan ya xc'otic. Mero bayal me te swocolic soc te bitic ma lecuc ya xc'ot ta stojolic, ja' swentail te jich me ya yalic: “¿Ma bal ja'uc yacotic ta wocol yu'un te ma ba sjoinejotiquix te Dios cu'untique?” xiic me.

Deuteronomio 33:8

Sc'oplal Leví jich la yal: —Cajwal, ja'at awu'un te Tumim soc te Urim; awu'un, soc yu'un uuc te mach'a jun yo'tan ta atojole. Ja' te la awac'bey prueba ta Masah, ja' te la awut aba soc ta ja'etic yu'un Meriba.

Deuteronomio 6:16

“Ma me x'awilbeyic yo'tan te Cajwaltic Dios cu'untique, jich bit'il la apasic ta Masah.

Deuteronomio 9:22

“Soc nix ta Tabera, ta Masah soc ta Kibrot-hataava la ajajch'esbey yilimba te Cajwaltique.

Josué 22:31

Jich yu'un te Finees, snich'an sacerdote Eleazar, la yalbey: —Yo'tic c'otix ta co'tantic te sjoinejotic te Cajwaltique, te melel ma'yuc ta awo'tanic te toybail ta stojol. Jich ma jtatic castigo yu'un te Cajwaltique —xi'.