Éxodo 13:9 - Bible in Tzeltal de Oxchuc y Tenejapa

⁹ Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Bible in Tzeltal Bachajón

⁹ Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Éxodo 13:9 ပူးပေါင်းရင်းမြစ်များ

Nehemías 1:10

“Te jo'otique awabatotic, soc lumotic awu'un. Ta swenta smuc'ul yip awu'el soc ta swenta yu'el ac'ab, te la acoltayotic loq'uel ta lajele.

Salmos 136:11

Ja' te la sloq'ues ta Egipto te israeletic, sbajt'el q'uinal ay te xc'uxul yo'tane;

Salmos 136:12

la stoy sc'ab soc smuc'ul yu'el, sbajt'el q'uinal ay te xc'uxul yo'tane.

Salmos 89:13

Te ac'ab spisil ya xju' yu'un; te swa'el ac'ab mero tulan soc yaiyoj tsalaw.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Éxodo 12:41

Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique.

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 13:16

Jich me c'oem te ay smarcail ta jc'abtic o ta jti'batique. Tey me ya ana'ic a te ja'exe, te soc smuc'ul yu'el sc'ab te Cajwaltic la sloq'uesotic tel ta Egipto”, utaic me —xi' te Moisese.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Proverbios 1:9

Melel jich me c'oem ta atojol te bit'il buen t'ujbil ach'alil, jich me te bit'il t'ujbil ualil ta anuc', soc jich me te bit'il corona ta ajol.

Proverbios 3:21

Jnich'an, spisiluc me ora tsajtaybil ya xc'opojat, ma me xch'ay awu'un te nacal-o'tanile,

Proverbios 7:23

te ora nax ya xjatbot yo'tan yu'un yat'ejibal t'imalte', soc jich te bit'il ja'mal mut ya xwil ochel ta yutil te yaquile, ma ba ya sna' teme ja' slajib ya xc'ote.

Cantares 8:6

Jtuqueluc nax me ayon ta awo'tan, jo'ucon nax me señailon ta ac'ab. Te mulanele, ma xju' ta lajinel sbujts', ja' pajal soc te lajel te ma'yuc mach'a ya xju' ya slajinbey sc'oplal. Te yip ta co'tantic te mulanwaneje, ma xju' ta jinel jichuc bael ta muquenal. Te sc'aal yac ta tilel te mulanwaneje, ja' te c'ajc' talem ta stojol Dios.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

Isaías 40:10

Ya me xjulix tel soc yu'el te Cajwaltic, ya me xmandalaj ta stojol spisil soc te yip sc'abe. Ya yic' tel te lum yu'un te c'alal la sloq'uesix tele.

Isaías 44:5

Ay me jtul ya yal: “Yu'unon Cajwaltic”, te xie, yan ya yal: “Ja' sts'umbalon Jacob”, te xie. Yan ya sts'ibuy ta sc'ab: “Ja' yu'unon te Cajwaltique”, te xie; soc ya me sbiilinbey xan sbiil Israel —xi' te Cajwaltique.

Isaías 49:16

Jc'axel ayat ta co'tan, spisil ora ay ta co'tan te ts'ajq'uetic awu'une.

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,

Daniel 9:15

“Cajwal Dios cu'untic, la awac' ta ilel smuc'ul awu'el te c'alal la awic' loq'uel ta Egipto te lum awu'une. Jich la awac' chicnajuc ta alel yutsil ac'oplal ja' to c'alal ta ora to. Pero te jo'otic la jta jmultic, la jpastic te bila amene.

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Números 15:39

Jich yu'un te c'alal ya awilic te stsijts'mal, tey me ya ana'ic spisil te mandaliletic te cac'ojbeyexe, soc jich me ya ach'uunic. Jich ma ba ya awich'-o'tantay abaic soc te bila ya snop awo'tanic, teme ma junuc awo'tanic ta jtojole.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

Romanos 10:8

Ja'uc me to, ¿Bi ya yal te c'ope? Jich la yal ta jamal te Moisés: “Te sc'op Diose, nopol ayix ta atojol. Ayix ta awe soc ayix ta awo'tan”, te xie. Ja' me te Sc'op Dios te ya jcholtic, ja' te sc'oplal te xch'uunjel-o'tanile.

Deuteronomio 30:14

Melel te mandalile mero nopol ayex soc, ay ta aweic, ay ta awo'tanic, swenta yu'un ya xju' awu'unic spasel.

Deuteronomio 5:15

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Deuteronomio 6:21

jich me xawalbeyic: “Melel te jo'otique smozootic faraón ta Egipto a. Te Cajwaltique ta swenta smuc'ul yu'el te la sloq'uesotic tel tey a.

Deuteronomio 6:6

“Ac'a me ta ajol, ac'a ta awo'tan spisil te bitic la calbat awaiy ta ora in to.

Deuteronomio 6:8

Ich'a me spisil ora te mandaliletique, chuca me ta ac'ab soc chuca me ta ati'ba swenta seña,

Apocalipsis 18:8

Ja' swentail te jun nax c'aal ya xtal castigo ta stojole. Ya xtal lajel, oq'uel soc wi'nal, soc ya me yich' chiq'uel ta c'ajc'. Melel ay bayal yip te Cajwaltic Dios te ya yac'bey castigoe”, xi' la caiy.

Jueces 2:12

La yijq'uitayic ta yo'tanic te Cajwaltic te Dios yu'un te antiguo sme'-static, te loq'uesotic tel yu'un ta Egipto. Ja' la yac' sbaic ta xch'uunel te loc'ombaetic yu'un te lumetic te ainemic ta sjoyobale. Jich la sjajch'esbeyic yilimba te Cajwaltique.