Éxodo 10:9 - Bible in Tzeltal de Oxchuc y Tenejapa

⁹ Te Moisés la sjac': —Ya me xbootic soc te alaletic cu'untique, soc te me'el-mamaletique, queremuc ach'ixuc, soc me te chijetic cu'untique, soc te wacaxetique. Mero muc'ul q'uin me cu'untic ta stojol te Cajwale —xi' te Moisese.

Bible in Tzeltal Bachajón

⁹ La sjac' te Moisés: Ya xbohotcotic soc te alaletic, me'el-mamaletic soc ach'ix-queremetic cu'uncotic, soc te tuminchijetic, tentsunetic soc wacaxetic cu'uncotic, yu'un ha q'uin cu'uncotic ta stojol Jehová, xchi.

Éxodo 10:9 ပူးပေါင်းရင်းမြစ်များ

Génesis 50:8

Soc bajt' spisil mach'a ay yu'un te Jacob, soc te mach'atic yu'un te José, soc te yermanotaque. Ja' xanix la yijq'uitay jilel ta sq'uinal Gosén te alaletic, te xchijic soc te swacaxique.

Éxodo 10:10

La yal te faraón: —Tey me chican ta jamal a te amen te bila anopoj ta awo'tanique. Ya wan acuyic te ya sjoinex bael te Awajwalic, te ya caq'uex bael soc te alaletic awu'unique.

Éxodo 10:26

Jich yu'un te chambalametic cu'untique ya me xbootic soc, ma me bay ya xjil jcojt'uc chambalam. Melel tey ya xc'o jtsatic a te ya cac'beytic smajt'anin te Cajwaltique. Te bit'il ma to bay ya xc'ootic tey a, ma jna'tic te bila ya cac'beytic te ya quich'tic ta muc' a te Cajwaltique —xi' te Moisese.

Éxodo 12:32

Ic'aic me bael te achijic soc te awacaxic te bit'il sc'anoj awo'tanique. Baanic ta ora. Soc albonic wocol uuc a te Diose —xi' te faraón.

Éxodo 12:37

Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique.

Éxodo 12:38

Ay nix bayal ta jchajp yantic ants-winiquetic bajt'ic soc. Mero bayal te chijetic soc te wacaxetic.

Éxodo 13:6

Juqueb me c'aal ya awe'ic waj te ma ba yich'oj levadura. Jich yu'un te sjuquebal c'aale ya me apasic q'uin a ta swenta yich'jibal ta muc' te Cajwaltique.

Éxodo 3:18

Jich te mamaletic ya me yich'bat ta muc' te ac'ope. Ya me awalbey te ya xba ac'oponic soc te muc' ajwalil yu'un Egipto, jich me ya xc'o awalbey: “Te Cajwaltic te Dios cu'untic jo'otic te hebreootic tal sc'oponotiquix. Jich yu'un ya me awac'otic loq'uel te ya xbootic ta muc'ul jochol taquin q'uinal. Ya me xbeenotic ochel oxeb c'aal tey a. Yu'un ya xba cac'beytic smajt'an te Cajwaltic te Dios cu'untique”, ya me awut.

Éxodo 5:1

Te Moisés soc te Aarón ba yalbeyic te faraón: —Jich la yal te Cajwal te Dios cu'untic jo'otic te israelotique: “Ya me awac'bon loq'uel te lum cu'une. Ya xbajt'ic ta muc'ul jochol taquin q'uinal. Ya xba spasbonic q'uin tey a swenta quich'jibal ta muc' yu'unic”, xi' te sc'ope —xiic ta stojol.

Éxodo 5:3

La sjaq'uic: —Ja' te Dios cu'untic te jo'otic hebreootic, tal staotiquix bael. Jich yu'un ya me xbootic ta muc'ul jochol taquin q'uinal, te ay oxeb c'aal ya xbeenotic ochele. Ya xba cac'bey milbil smajt'an te Cajwal te Dios cu'un, soc te jlumale. Teme repente ya yac'on ta lajel li'to soc te jlumale, ta swenta tulan chamel o milel ya caiytic li'to —xiic.

Proverbios 3:9

Ich'a me ta muc' Cajwaltic soc te ac'ulejale, ich'a ta muc' soc te sba sit awawal-ats'unub te ya xloc' awu'une;

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

Números 29:12

“Ta yo'lajunebal c'aal ta sjuquebal u, ay me ch'ul tsoblej awu'unic, ma me ayuc at'el ya apasic a. Juqueb me c'aal ya apasic bael te q'uin swenta quich'el ta muc' jo'on te Ajwalilone.

Efesios 6:4

Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.