Ester 9:5 - Bible in Tzeltal de Oxchuc y Tenejapa

⁵ Te judioetic la slajinic ta milel ta puñal spisil te scontroique. Jc'axel la slajinic spisilic, soc chican nax yo'tanic te bila la smulanic spasbeyel.

Bible in Tzeltal Bachajón

⁵ Te judiohetic la smilic ta espada spisil te scontrahic, jc'axel la slajinic soc hich la spasbeyic te scontrahic te bin ut'il la sc'an yo'tanic.

Ester 9:5 ပူးပေါင်းရင်းမြစ်များ

Nehemías 9:24

Ochic bael, c'o yu'uninic te sq'uinal Canaán. La awac'bey spejc'an sbaic ta stojol te yajwal te lumq'uinale. Te muc' ajwaliletic yu'une soc ta spisil te yajwal ta spamal te q'uinale, la awac'bey ta sc'abic, swenta yu'un ya spasic te bila ya smulanic spasele.

Ester 3:13

Ora la yich' puquel bael ta correo ta stojolic te juju-jsejp q'uinaletic yu'un te ajwalile. Te june tey ya yal a te mandal te jc'axel ya yich'ic lajinel te judioetic, ta jun nax c'aal ya xlaj ta spisilic te judioetique, me'eletic, mamaletic, queremetic, ach'ixetic, alaletic soc ta spisil antsetic; soc ya me yich'beyic spisil te biluc yu'unique. Te bila c'aalil yich'oj chapel ya xc'ot ta pasele, ja' ta yoxlajunebal te slajchayebal u, o ja' te u Adar.

Ester 8:11

Te muc' ajwalil la yalbey mandal ta carta te judioetique, te bayuc lumil te banti nainemique, ac'a stsob sbaic ta scoltayel sbaic ta sc'abic te scontroique. Ac'a smilic, ac'a slajinic ta jc'axel, soc ac'a yich'beyic spisil sbiluquic te mach'atic yich'ojic yat'ejibic yu'un guerra, te bayuc lumil o bayuc q'uinal te ya x'ac'botic guerra yu'unique. Ma me ayuc ta ich'el ta wenta antsetic ni alaletic.

Ester 9:6

Tey nax ta joyob ts'ajc'ubil centro yu'un te lum Susa, la smilic jo'winic xcha'bajc' (500) winiquetic.

Salmos 92:12

Te mach'atic lec yat'elic ya xnichinic c'oem jichuc palma, soc ya xch'iic jich te bit'il cedroetic ta Líbano.

Jeremías 18:21

Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

2 Tesalonicenses 1:6

Melel te Diose, ja' stojil te ya yac'bey stoj ta woclajel te mach'atic ya scontroinexe.