Ester 7:4 - Bible in Tzeltal de Oxchuc y Tenejapa

⁴ Melel te jo'on soc te jlumale quich'ojtic chonel swenta yu'un jc'axel ya yich' tup'el jts'umbaltic. Te lajuc quich'tic chonel swenta mozoile, ma'yuc bi ya cal yu'un te jichuque, ja'uc me to, te jcontroe ya ma xch'aybat bayal te bila ay awu'un te muc' ajwalilate —xi'.

Bible in Tzeltal Bachajón

⁴ Como te ho'on soc te pueblo cu'un quich'ojcotiquix chonel scuenta lajinel ta jc'axel. Te ha'uc la jquich'cotic chonel scuenta mosohil, mayuc bin ya cal yu'un te hichuque; pero te lajel cu'uncotic ma xhu' ta suhtbeyel te bin ya xch'ay yu'un te ajwalil, xchi.

Ester 7:4 ပူးပေါင်းရင်းမြစ်များ

Nehemías 5:5

—Te jo'otique pajal israelotic soc te jlumalique. Te cal-jnich'antique, pajal yilelic soc te yal-snich'anique. Pero te jo'otique puersa ya cac'tic ta mozoil te queremetic soc te ach'ixetic cu'untique. Ay baemiquix ta criadail te cantsil-nich'nabtique. Ma'yuc bi ya xju' ya jcoltaytic a, melel te jq'uinaltique soc te jts'usubiltique yan mach'atic yich'ojiquix —xiic.

Ester 3:13

Ora la yich' puquel bael ta correo ta stojolic te juju-jsejp q'uinaletic yu'un te ajwalile. Te june tey ya yal a te mandal te jc'axel ya yich'ic lajinel te judioetic, ta jun nax c'aal ya xlaj ta spisilic te judioetique, me'eletic, mamaletic, queremetic, ach'ixetic, alaletic soc ta spisil antsetic; soc ya me yich'beyic spisil te biluc yu'unique. Te bila c'aalil yich'oj chapel ya xc'ot ta pasele, ja' ta yoxlajunebal te slajchayebal u, o ja' te u Adar.

Ester 3:9

Ja' yu'un teme lec ya awaiy ja'at te muc' ajwalilate, puca ta alel jun mandal awu'un te banti ya yal mandal te jc'axel ya yich' lajinele. Te jo'one ya me cac'bey ta sc'abic te j'at'eletic ta banti ya yich' tsobel pataniletic waclajuneb soc olil tonelada plata, yu'un ya x'och ta yawil staq'uin muc' ajwalil —xi'.

Ester 7:5

Te Asuero la sjojc'o: —¿Mach'a a, soc banti ay te mach'a xchapoj ya spas in to? —xi'.

Ester 7:6

—¡Te jcontrotique, te jlajinwanej cu'untique, ja' te bol-o'tan Amán in to! —xi' te Ester. C'alal la yaiy te Amán, nijc' yu'un xiwel ta stojol te muc' ajwalil, soc ta stojol uuc te antsil-ajwalile.

Ester 8:11

Te muc' ajwalil la yalbey mandal ta carta te judioetique, te bayuc lumil te banti nainemique, ac'a stsob sbaic ta scoltayel sbaic ta sc'abic te scontroique. Ac'a smilic, ac'a slajinic ta jc'axel, soc ac'a yich'beyic spisil sbiluquic te mach'atic yich'ojic yat'ejibic yu'un guerra, te bayuc lumil o bayuc q'uinal te ya x'ac'botic guerra yu'unique. Ma me ayuc ta ich'el ta wenta antsetic ni alaletic.

Ester 8:6

Melel ¿bit'il ya xju' cu'un te ya quil te bila wocolil yac ta talel ta stojol te jlumale, soc te jc'axel ya yich' lajinel te mach'atic ay cu'une? —xi' te Ester.

Ester 9:25

Pero c'alal c'ot ta stojol muc' ajwalil te Ester, te muc' ajwalil la yal mandal ta jun te spisil te bila chapal yu'un te Amán ta swenta swocol te judioetic, ja' nix ac'a sujt'uc ta stojol stuquel. Jich nix c'ot a. Te Amán soc te snich'nabe la yich'iquix jijp'anel ta te'.

Daniel 6:2

La yac'bey yat'el oxebic, yu'un ja' me ya yilbey yat'elic te yantic ajwaliletic, swenta yu'un jich ma'yuc bila ay swocol yu'un a te muc' ajwalile. Te jtule ja' te Daniel.

Joel 3:6

La awiq'uic bael ta c'ubul te yajwal Judá, soc la awiq'uic bael te mach'atic nainemic ta Jerusalén, la achonic ta mosoinel yu'un griegoetic.

Amós 2:6

Jich ya yal xan te Cajwaltique: —Te mach'a ayic ta Israel bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchonic bael te mach'atic ma'yuc smulique; te mach'a me'baetic, jun nax par zapato la sjelic bael a.

San Lucas 12:45

Yan teme ya xcaj yal ta yo'tane: “Te Cajwal ma xtal ta ora”, teme xie, soc teme ya xjajch' yuts'in te abatetic soc te criadaetique, soc teme ya xjajch' ta we'el-uch'ajel soc ta yacubel,

Deuteronomio 28:68

Manchuc me la yalbat te Cajwaltic te ma'yuc bi ora ya sujt'atix xan bael ta sbelal Egipto, pero ya me yac'at xan bael ta barcoetic tey a. Ya me achon aba ta stojol acontro, pero ma me ayuc mach'a ya sc'an ya smanat —xi' te Moisese.

Josué 9:23

Mero ma me lecuc ac'oplal ya xc'oex yu'un, abatex me ya xc'oex ta jc'axel. Ya me ach'uyic si' soc ya me aliquic ja' te ya xtuun ta sna te Dios cu'une —la yut.

1 Samuel 22:23

Pero li' ya x'ainotiquix, ma me xiwat. Teme ay mach'a ya sc'an ya smilate, yu'unix ya sc'an ya smilon abi. Ma'yuc bi ya xc'ot ta awenta, melel julatix tel ta banti ayon —xi' te David.