Ester 5:2 - Bible in Tzeltal de Oxchuc y Tenejapa

² Te c'alal ilot yu'un te muc' ajwalil te ayix ta amac' te antsil-ajwalil Ester, bin nax yo'tan ta stojol, la stuchbey yil te sbastón pasbil ta oro yich'oj ta sc'abe. Te Ester noptsaj bael, la spicbey sjol te bastón te pasbil ta oroe.

Bible in Tzeltal Bachajón

² Te ajwalil, te c'alal la yil te ajwalil-ants Ester te ay ta amac', lec c'oht ta yo'tan, la shach ta stojol Ester te sbastón pasbil ta oro ay ta sc'ab. Ha yu'un te Ester nohpoj bahel, la spicbe sni'il te sbastón.

Ester 5:2 ပူးပေါင်းရင်းမြစ်များ

Ester 8:4

Te muc' ajwalil la stoy bael ta stojol Ester te sbastón pasbil ta oro. Te Ester jajch', la stejc'an sba ta stojol te muc' ajwalile,

Ester 4:11

Jich la yal: “Ta spisil te mach'atic ayic ta abatinel yu'un te muc' ajwalil, soc nix te yajwal te juju-jpam q'uinal swentaineje, sna'ojic te ay jun ley te ya yac' ta lajel spisil antsetic o winiquetic te ya x'ochic bael ta yamaq'uil ta yutil te spalacio te muc' ajwalile, swenta yu'un ya xba yil te muc' ajwalil, teme ma ja'uc la sticun ta iq'uele. Ja' teme ma ba ya stuch ta ilel te sbastón pasbil ta oro ta stojol te mach'a ya x'och swenta seña te lec ta o'tanil, soc te ya spasbot perdón, te ma ba ya x'ac'ot ta lajele. Yan te jo'one, ayix lajuneb xcha'winic (30) c'aal te ma ba yic'ojon te muc' ajwalile”, xi' te sujt'ibe.

Proverbios 21:1

Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Salmos 116:1

C'ux ya caiy ta co'tan te Cajwale, melel la yaiybon stojol te la calbey wocole,

Ester 2:9

Te ach'ix Ester, bayal yutsil ta o'tanil yu'un te Hegai, buen lec ta o'tanil yu'un. Ja' yu'un te Hegai la yac'bey ta ora nax te bitic ya xchajban st'ujbilal a, soc ja' la yac'bey swe'elin te bitic mero leque. La yac'bey yabatin juctul buen lequil criadaetic te ayic ta sna muc' ajwalile. La yic' bael soc ta banti ay mero t'ujbil cuartoetic yu'un te spalacio te antsetique.

Nehemías 1:11

Ya calbat wocol jiche, Cajwal, te yacuc awich'bon ta wenta te jc'ope, soc te sc'opic te abatetic awu'une te yacalic ta yalel wocol ta atojol, te ja' nax bayal sc'oplal ta yo'tanic te ya x'ich'otat xan ta muq'ue. Soc ya jc'anbat te lecuc ya xc'oon ta stojol te muc' ajwalile, soc te yacuc atijbey yo'tan, te lecuc yo'tan ta jtojole —xoon ta sc'oponel Dios.

Génesis 32:28

La yal te winique: —Ma jichuquix abiil te Jacob, Israel abiil ya xc'otix, yu'un la atsal aba soc Dios soc winiquetic, soc ju'ix awu'un —xi' sc'oplal yu'un.