Ester 4:3 - Bible in Tzeltal de Oxchuc y Tenejapa

³ Soc ta spisil ta juju-jpam q'uinal te banti c'ot sc'op soc te smandal te muc' ajwalile, bayal la smel yo'tanic te judioetique. La scom swe'elic, oq'uic, bic'tal-c'opojic, ay tsobolic la smejts'an sbaic ta stanul c'ajc' soc la slapic ch'ixal pac', jich la yaq'uic ta ilel te smel-o'tanique.

Bible in Tzeltal Bachajón

³ Soc ta spisil ta jujusehp q'uinal te banti c'oht te mandaril yu'un te ajwalil ay bayel mel-o'tan ta stojol te judiohetic, la scom swe'elic, ay oq'uel soc xjuyetic ta oq'uel; bayel wayic ta stanul c'ahc' soc ta ch'ixal-pac'.

Ester 4:3 ပူးပေါင်းရင်းမြစ်များ

Ester 1:1

Ja' te c'op in to, ja' c'ot ta pasel te c'alal ay ta muc' ajwalil a te Asuero, ja' te la swentain juqueb sjucwinic (127) ta jpam q'uinal te jajch' ta India c'alal ta Etiopía.

Ester 3:12

Ta yoxlajunebal c'aal a te u swenta xjajch'ibal te ja'wile, la yich'ic iq'uel te secretarioetic yu'un muc' ajwalil. Ja'ic la sts'ibuyic te smandal te Amán, ja' te la sticunbey ta stojolic te ajwaliletic ta juju-jpam q'uinal soc te mach'atic yich'oj yat'elic ta jujun nación swentainej te muc' ajwalile. Te mandaliletic in to la yich' ts'ibuyel ta sletraic nix, soc ta sc'opic nix te juju-jpam q'uinal soc te jujun lume. La yich' pasel ta swenta te muc' ajwalil Asuero, soc la yich' te sello yu'un te muc' ajwalile.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Ester 4:2

Jich c'ot c'alal ta yochibal spalacio te muc' ajwalil, pero ma x'ac'ot ochel tey a te mach'a slapoj ch'ixal paq'ue.

Ester 4:4

Te criadaetic yacalic ta abatinel yu'un te antsil-ajwalil Ester, soc te soldadoetic chapalic yu'un ya xcanantayot yu'une, la yalbeyic yaiy te Ester te bila yac ta c'oel ta pasele. Te antsil-ajwalil bayal la smel yo'tan yu'un, jich la sticunbey c'u'il yu'un ya slap te Mardoqueo, swenta yu'un ya sjeltay a te ch'ixal pac' slapoje, pero te Mardoqueo ma ba la sc'an la yich'.

Ester 9:31

Tey la spasic ta mandal a te ya spasic te q'uin Purim ta yorail te bitic c'aalil la yich'ix alele, mero jich nix te bit'il la yaliquix mandal te Mardoqueo soc te antsil-ajwalil Ester ta stojolic, soc ta stojolic uuc te patil alnich'anetic yu'unique. Ja' nix jich la yich' alel sc'oplal ta comel we'elil, soc te ya yoq'uetay ta na'el te bila c'ot ta pasele.

Job 2:8

Ja' yu'un te Job, ba snajc'an sba ta c'ajc'al tan soc la stsac xejt'elul c'a'oxom, la sjux sba a.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Isaías 22:4

Jich yu'un la cal: —Q'ueja abaic ta jtojol, ya jc'an ya x'oc'on ta c'axem to xan; yu'un ma xju' ya awac'bon smuc'ul co'tan, melel jinix te jlumale —la cut.

Isaías 58:5

¿Ya bal acuyic te bin nax co'tan yu'un te jich ya apasic ayunoe? ¿Ja' bal lec awaiy te ya awac' abaic ta mel-o'tan? ¿Ja' bal lec awaiy te ya atinan coel ajol jichuc snich ac, soc te ya alap ta metslej ch'ixal paq'uetic ta c'ajc'al tane? ¿Ja' bal spasel ayuno sbiil awu'unic abi? ¿Soc ja' bal te bi c'aalil bin nax co'tan ta ac'opic a te Awajwalone?

Ezequiel 27:30

Ya me xtoy sc'opic yu'un, ya me x'oq'uic yu'un xc'uxul ta awenta. Ya me smojt'es ts'ubil lum ta sjolic, soc ya me sbalan sbaic ta tan.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Jonás 3:6

Te c'alal la yaiy stojol te muc' ajwalil yu'un Nínive, co ta smuc'ul nactijib. La sloq'ues te sc'u' nixe, la slap uuc te ch'ixal paq'ue, la snajc'an sba ta stanul c'ajc'.

San Mateo 13:42

Ya me xch'ojic ochel ta bay yawil c'ajc' te yac ta tilele. Tey me ya xc'o yoq'uetay sbaic a, soc tey ya sjets'ulay yeic a.

San Mateo 22:13

“Te muc' ajwalile la yalbey te abatetique: “Chucbeya sc'ab yacan. Ch'oja bael ta q'uejel ta ijc' q'uinal ta banti ya xc'o yoq'uetay sba soc tey ya xc'o sjets'ulay ye a”, la yut.

San Mateo 25:30

In abat to te ma xtuune, ch'oja loq'uel ta ijc' q'uinal. Tey me ya xc'o yoq'uetay sba a, soc tey me ya xc'o sjets'ulay ye a”,, xi'.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

1 Samuel 11:4

Te jpuc-c'opetic yu'unic c'otic c'alal ta Gabaa te banti nainem te Saúl, la yalbey yaiyic te yajwal lume. C'alal la yaiyic, jajch'ic ta buen oq'uel yu'un.