Ester 10:3 - Bible in Tzeltal de Oxchuc y Tenejapa

³ Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.

Bible in Tzeltal Bachajón

³ Te judio Mardoqueo, ha schebal c'oht yu'un te ajwalil Asuero, ha muc' sc'oblal ta yohlil te judiohetic, soc ich'bil ta cuenta yu'un bayel te yermanotac, como la slehbe yutsil te pueblo yu'un soc la yac' lahmajuc q'uinal ta stojol spisil te sts'umbal.

Ester 10:3 ပူးပေါင်းရင်းမြစ်များ

Génesis 41:40

Ja'at me ya awentainbon spisil te jnae, soc ya me awal mandal ta stojol te lum cu'une. Jo'on xanix te cajal ayon ta ich'el ta muq'ue.

Génesis 45:10

Ya xju' ya xnainat ta sq'uinal Egipto ta Gosén, nopol ay ta ba ayon, ja'at soc anich'nab soc amamatac, soc achambalamic, soc spisil mach'atic ay awu'unic.

Génesis 45:11

Jo'on me ya jmac'linex, te melel jo'eb xan ja'wil sc'an ya xc'ax te wi'nale. Jich me ma'yuc awocol ya xc'oat ja'at soc spisil mach'a ay awu'un soc spisil te bila ay awu'un’ ”, ya me xc'o awut te jtatique.

2 Crónicas 28:7

Te Zicri, jtul soldado ta Efraín, la smil te Maasías, snich'an te muc' ajwalil, soc te Azricam, te swentainej te muc'ul na, soc te Elcana, te sbabial sjoy ta at'el te muc' ajwalile.

Nehemías 2:10

Pero c'alal la yaiyic te Sanbalat te talem ta Horón, soc te Tobías te amon-winic te yich'oj yat'ele, bayal jajch' slab yo'tanic yu'un te ay mach'a c'otix te ay sc'oplal ta yo'tan te ya scoltay te israeletique.

Ester 2:5

Ta joyob ts'ajc'ubil centro yu'un lum Susa tey nainem jtul judio-winic a, Mardoqueo sbiil te winique, snich'an Jair. Ja' sts'umbal te Simei soc Cis, te ja' sts'umbalic te Benjamín.

Ester 3:2

Spisil te abatetic yu'un muc' ajwalil te ayic ta spalacio, ya squejan sbaic soc ya stinan sbaic ta stojol Amán te c'alal ya xc'axe, o teme teq'uelic ta stojole, melel jich yaloj mandal te muc' ajwalile. Pero te Mardoqueo ma ba la sc'an la xch'uun stuquel te mandale.

Daniel 5:16

La yalboniquix te ja'at ya xju' awu'un yalel te bitic wocol ta na'ele, soc te ya awal ta jamal te bitic chujc'ulic ta na'beyel swentaile. Teme ja'at ya xju' awu'un yalel te c'opetic ts'ibubile, soc teme ya awalbon caiy te bila ya sc'an ya yale, ya me cac'bat alap púrpura c'u'iletic, soc ya me cac'bat awuan cadena pasbil ta oro, soc ya me cac' te ya xc'oat ta yoxebal ajwalil ta banti yacon ta mandalteswaneje —xi'.

Daniel 5:29

Te muc' ajwalil Belsasar la yal mandal ta ora te ya yich' aq'uel slap púrpura c'u'il, soc te ya yich' xojel ta snuc' cadena pasbil ta oro te Daniel, soc la spuc ta alel spisilic te ja' nix yorail a te ya xc'ot ta yoxebal ajwalil te banti yac ta pasaw ta mandal te muc' ajwalile.

Daniel 6:3

Ora chicnaj yat'el ta stojol te yantic cheb xan mach'atic la yich' yat'elic ta yilel te yat'el yantique, soc ta stojolic te jwentainwanejetic ta juju-jsejp te q'uinale, melel mero bayal sp'ijil yo'tan ta at'el la yilic stuquel. Ja' yu'un te muc' ajwalile, la snop te ya yac'bey swentain te ajwaliletic yu'un te nacione.

Romanos 10:1

Quermanotac, toyol co'tan ta sc'oponel Dios yu'un te yacuc staic colel te israeletique.

Romanos 14:18

Te mach'a jich ya yac' sba ta abatinel yu'un te Cristoe, ja' lec yo'tan yu'un te Diose, soc lec sc'oplal yu'un uuc te ants-winiquetique.

1 Samuel 18:16

Pero spisil ants-winiquetic ta Israel soc ta Judá bin nax yo'tanic ta stojol David, melel ja' ya x'ic'otic bael ta guerra yu'un, lec ya sujt'ic tel soc.

1 Samuel 23:17

jich albot yu'un: —Ma xiwat, te jtat Saúl ma xju' ya staat. Ja'at me ya x'ochat ta muc' ajwalil yu'un Israel; yan te jo'on ja' nax ya joinat ta at'el. Jich nix sna'ojix te jtat Saule —xi'.