Ester 10:2 - Bible in Tzeltal de Oxchuc y Tenejapa

² Spisil te bitic la spas ta swenta yip yat'el te ajwalile, soc te bit'il la stoyesbey yat'el te Mardoqueo, spisil in to ts'ibubil ta libro te banti la yich' ts'ibuyel te bitic tulan sc'oplal c'ot ta pasel yu'un te muc' ajwaliletic yu'un Media soc Persia.

Bible in Tzeltal Bachajón

² Spisil te bintic la spas soc te yip ya'tel, soc te muc' sc'oblal te Mardoqueo te tohytesbot yu'un te ajwalil, ts'ihbabil ta libro yu'un te ya'telic te ajwaliletic yu'un Media soc Persia.

Ester 10:2 ပူးပေါင်းရင်းမြစ်များ

1 Reyes 11:41

Te jayeb xan sc'oplal Salomón, soc sc'oplal te sp'ijile, soc spisil te bitic la spase, ts'ibubil ta libro yu'un yat'el Salomón.

1 Reyes 14:19

Te jayeb xan sc'oplal te yat'el Jeroboam, te la yaiy guerra soc yantic sc'oplal yat'el ta ajwalil, ts'ibubil ta slibroil yat'el muc' ajwaliletic yu'un Israel.

1 Reyes 22:39

Te jayeb xan sc'oplal te Acab soc spisil te bitic la spase, soc te sna ch'albil ta marfil, soc te lumetic la sjache, ts'ibubil ta libro yu'un yat'el muc' ajwaliletic ta Israel.

Ester 2:23

Te bila alote la yich' jaq'uel ta lec, chicnaj te melel nix a. Xchebal te jcanan-ochibaletic la yich'ic jijp'anel ta te'. Te bila c'ot ta pasele, jil sna'jibal ta stojol te muc' ajwalile, tey jil ta libro te banti ya yich' ts'ibuyel te bitic c'ot ta pasel yu'un te nacione.

Ester 6:1

Ta ajc'ubal in to, te muc' ajwalil ma xtal swayel la yaiy. Ja' yu'un la sticun ta ich'el tel te libro te banti yich'oj ts'ibuyel te bitic mero tulanic sc'oplal c'oemic ta pasel ta nación, swenta yu'un ya yich' ilel ta stojol.

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

Ester 8:2

Te muc' ajwalil la sloq'ues te xch'ocow swenta sello te la yich'bey sujt'el te Amán, ja' la yac'beyix te Mardoqueo. Jich te Ester la yac'bey yat'el ta administrador ta swentainel te biluquetic yu'un Amán ta neelal toe.

Ester 9:4

Melel te Mardoqueo mero muc' sc'oplal ta spalacio te muc' ajwalile, soc pujc' ta alel sc'oplal ta spisil ta jpam q'uinal. Jujun c'aal yac ta toyel xan yip.

Salmos 18:35

Ja'at ya acanantayon soc ya acoltayon, ya awac' ipajucon ta swa'el ac'ab; ta swenta te yutsil awo'tan te lec ayon.

Daniel 2:48

Te muc' ajwalil la stoyesbey xan yat'el te Daniel, la yac'bey bayal yutsil smajt'an. Soc la yac'bey yat'el ta ajwalil ta jsejp q'uinal te Babilonia sbiile. Ja' mero muc' jwentainwanej c'ot yu'un spisil te mach'atic bayal bi sna'ojic te tey ayic ta nación yu'unique.