Ester 1:3 - Bible in Tzeltal de Oxchuc y Tenejapa

³ Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Bible in Tzeltal Bachajón

³ Ta yoxebal ha'bil yochel ta ajwalil a la spasbe q'uin spisil te príncipaletic yu'un soc te mach'atic ay ya'telic; soc tey nix ay a te jtsobaw-soldadohetic yu'un Persia soc Media, te gobernadoretic soc príncipaletic yu'un jujusehp q'uinal,

Ester 1:3 ပူးပေါင်းရင်းမြစ်များ

Génesis 40:20

Ta oxeb c'aal ta patil te faraón la spas q'uin swenta bit'il loc' ya'wilal. La yic' ta we'el spisil te abatetic yu'une. Jich la sticun ta iq'uel loq'uel tel ta chucjibal te mach'a swentainej te jc'asesel-vasoetique, soc te mach'a swentainej te jpas-we'eliletique.

1 Reyes 3:15

C'alal wijc' sit te Salomón, la sna' te bila la swaichine. C'alal c'ot ta Jerusalén, bajt' ta stojol te scajonil trato yu'un te Cajwaltique. Ba yac'bey chic'bil milbil smajt'an Dios soc milbil smajt'an swenta lamal-o'tanil, soc la stsob ta we'el ta spisil te jayeb j'at'eletic yu'une.

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Ester 1:14

Ja' te mach'atic te ay sp'ijil yo'tanic te ay ta sts'eel spisil ora te muc' ajwalil, ja'ic te Carsena, Setar, Admata, Tarsis, Meres, Marsena soc Memucán, juquebic te ich'bilic ta muc' te yich'oj tulan yat'elic ta Persia soc Media. Sjoinej sbaic soc te muc' ajwalil ta xchajbanel spisil te yat'ele, melel yich'oj tulan yat'elic ta ajwalil ta stojol te nacione.

Ester 1:4

swenta yu'un ya yac'bey yilic te sc'ulejale, te smuc'ul yat'el ta muc' ajwalile, te jchajp yilel yutsilal soc te yip yat'el ta muc' ajwalile. Jalaj olil ja'wil te q'uine.

Ester 2:18

Soc la spas buen muc'ul q'uin, la yac' we'el-uch'el ta swenta stoybeyel yutsil sc'oplal te Ester. La sticun ta iq'uel te mach'atic yich'oj yat'elic yu'un soc spisil te abatetic yu'une. Soc la spejc'an patanetic ta juju-jpam q'uinal, soc la spuc bayal majt'aniletic, majt'anil te ya yac' sba ta na'el a te ay yutsil yo'tan te muc' ajwalile.

Ester 3:7

Ta u swenta xjajch'ibal ja'wil, ja' nix te u Nisán, ta slajchayebal ja'wil yochel ta muc' ajwalil a te Asuero, la spasbeyic snúmeroil ta na'el ta stojol te Amán, swenta yu'un ya yich' na'el te bi c'aalil soc te bi uil te ya xju' ya spas te bila chapal yu'une. Ja' loc' te yoxlajunebal c'aal te slajchayebal u, ja' nix te u Adar.

Isaías 21:2

Xiweltic nax me sba te bila la yac'bon quil te Diose: Te mach'a muquen ya yac' ta c'abale, muquen me ya yac' ta c'abal abi, te mach'a jinwaneje, ya me xjinawan abi. Jajch'an, Elam. Wilumtaya, ja'ex mediaetic. Ma xcac' te ya xtal sc'anic xan parte.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Daniel 5:1

Belsasar, muc' ajwalil yu'un Babilonia, la stsob ta we'el swenta pas-q'uin jmil ta jtul te mach'atic muc' sc'oplalic ta nación. Te muc' ajwalil soc te ic'bilic yu'une, te c'alal yacalic ta we'el a, la yuch'ic bayal vino.

Daniel 5:28

PARSIN te xie, te bay c'alal awentainej ta muc' ajwalile, la yich'ix xet'el soc ya me yich' ac'beyel medoetic soc persaetic, xi' c'oem —xi' te Daniel.

Daniel 6:1

Te muc' ajwalil la snop te ya yac'bey yat'elic ta gobernador wacwinic (120) ta jtul winiquetic. Te ajwaliletic swentainejic ta juju-jsejp te q'uinaletic te bay c'alal swentainej te muc' ajwalile.

Daniel 8:20

“Te tat chij te ay cheb xulube, ja' ya yalbey sc'oplal te muc' ajwaliletic yu'un Media soc Persia.

San Marcos 6:21

La sta yorail te c'ot ta pasel te bila snopoj ta yo'tan te Herodías c'alal la spas q'uin te ajwalil Herodes te bit'il loc' ja'wil ya'wilale. Te ajwalile la stsob ta we'el-uch'ajel spisil te sjo'tac ta ajwalile, soc te coroneletique soc spisilic te mach'atic ich'bilic ta muc' ta bay sq'uinal Galilea.