Esdras 6:3 - Bible in Tzeltal de Oxchuc y Tenejapa

³ “Ta sbabial ja'wil yat'el ta muc' ajwalil a te Ciro, jich la yal ta pasaw ta mandal: Te sc'oplal te templo yu'un Dios ta Jerusalén: Ac'a yich' aq'uel te xjajch'ibal yiptajibe, soc ac'a yich' xan cha'pasel te nae, swenta yu'un ya me yich' aq'uel milbil smajt'an Dios tey a. Ya me yich' aq'uel juqueb xcha'winic (27) metro stoyolil soc juqueb xcha'winic (27) metro sjamalul,

Bible in Tzeltal Bachajón

³ Ta shahchibal ha'bil ya'tel ta ajwalil te Ciro, ha nix te ajwalil Ciro la yal ta mandar sc'oblal te sna Dios te ay ta Jerusalén te ac'a yich' cha'pasel te Na te banti ya yich' a'beyel milbil mahtaniletic, soc ac'a yich' pasel te yich'o-ip; ha oxwinic (60) xuhc'ubil stoyolil soc oxwinic xuhc'ubil sjamalil;

Esdras 6:3 ပူးပေါင်းရင်းမြစ်များ

2 Crónicas 36:22

Ta sbabial ja'wil yat'el ta ajwalil Ciro te muc' ajwalil yu'un Persia, swenta yu'un ya xc'ot sc'op te Cajwaltic te la yal te Jeremías, te Cajwaltic la sjachbey yo'tan te Ciro te ya spuc bael ta spamal te smaquen q'uinal ta junetic in mandalil to:

Apocalipsis 21:16

Te muc'ul lume pajal sjamalul ta juju-jejch' te xchiquine. Te snajt'ile pajal soc te sjamalule. Te ch'ul abate la sp'is ta jalal te muc'ul lume. Loc' cha'mil soc lajunwinic (2200) kilómetro ta p'isel yu'un. Pajal soc snajt'il te stoylejale soc uuc te sjamalule te loc' ta p'isel yu'une.

Salmos 122:4

Ya me xtalic ta chajbalchajp sts'umbal te lum yu'un te Cajwaltic swenta yu'un ya me yalbeyic wocol yu'un te bila spasoj, jich bit'il albot mandal te lum Israel.

2 Crónicas 2:6

Ja'uc me to, ¿mach'a c'an spasbey templo ya xnain a, melel ma x'och ta ch'ulchan soc spisil te smuc'ule? ¿Mach'aon a te jo'on te ya jpasbey templo te Diose, manchuc teme ja' nax te ya yich' chic'beyel pom tey a ta swenta yich'el ta muq'ue?

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

Esdras 3:7

Jajch' yac'beyic taq'uin te albañiletic, soc te carpinteroetic. Soc te winiquetic ta Tiro soc ta Sidón la yac'beyic swe'el yuch'elic soc aceite, swenta yu'un ya me yich'ic jajch'el cedroetic ta Líbano, ya me yich'ic bael ta mar c'alal ta Jope, jich te bit'il ac'botic permiso yu'un Ciro te muc' ajwalil ta Persia.

2 Crónicas 2:3

Ta patil te Salomón la sticunbey ta alel te Hiram te muc' ajwalil ta lum Tiro, jich la yalbey: “Jich me xapas ta jtojol te bit'il la apasbey te jtat David, te la aticunbey cedroetic, swenta yu'un ya yich' pasel palacio a ta bay ya xju' ainele.

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Esdras 6:14

Jich te jwentainwanej-judioetique, ju' yu'unic te la spasic xan bael te at'el swenta xcha'pasele, jich te bit'il albotic yu'un te j'alwanejetic yu'un te Diose, ja'ic te Hageo soc te Zacarías snich'an Ido. Te xcha'pasel te templo, ju' ta pasel, ja' la yich' t'unel te mandal la yal te Dios yu'un Israel, soc nix te bila mandalil la yal te Ciro, te Darío soc te Artajerjes, te muc' ajwaliletic yu'un Persia.