Esdras 4:3 - Bible in Tzeltal de Oxchuc y Tenejapa

³ Pero te Zorobabel, te Josué soc te yantic jwentainwanejetic yu'un juju-jchajp na yu'un israeletic, jich la yalbeyic: —Ma xju' teme ya jointiquex ta xcha'pasel te templo yu'un te Diose. Ta jtuqueltic ya jcha'pastic te templo yu'un Cajwaltic, te Dios yu'un Israel, melel jich la spasotic ta mandal te Ciro te muc' ajwalil yu'un Persia —la yutic.

Bible in Tzeltal Bachajón

³ Pero te Zorobabel, te Jesúa soc te yantic jtsobawetic yu'un jujuchahp sna sme'static ta Israel hich la yalic: Ma spas te ya joquin jbahtic ta spasel te sna te Dios cu'uncotic. Ta jtuquelcotic ya jpascotic te sna Jehová te Dios yu'un Israel, hich te bin ut'il la spasotcotic ta mandar te Ciro ajwalil yu'un Persia, xchihic.

Esdras 4:3 ပူးပေါင်းရင်းမြစ်များ

2 Crónicas 36:22

Ta sbabial ja'wil yat'el ta ajwalil Ciro te muc' ajwalil yu'un Persia, swenta yu'un ya xc'ot sc'op te Cajwaltic te la yal te Jeremías, te Cajwaltic la sjachbey yo'tan te Ciro te ya spuc bael ta spamal te smaquen q'uinal ta junetic in mandalil to:

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Esdras 1:3

Ja' yu'un mach'auquex a te ayex ta swenta te lum yu'un te Ajwalile, Dios me ya scoltayex, baanic ta Jerusalén te ay ta sq'uinal Judá ta spasel te templo yu'un te Ajwalil te Dios yu'un Israel, te nainem ta Jerusalén.

Esdras 3:8

Ja' yu'un ta xchebal u sjajch'el xchebal ja'wil sjulelic ta Jerusalén a, te Zorobabel snich'an Salatiel, soc Josué snich'an Josadac, te sjo'tac sacerdoteetic, te levitaetic, soc ta spisil te namey ic'otic loq'uel ta slumalic te sujt'ic xan tel ta Jerusalén, jajch'ic xan ta xcha'pasel te templo yu'un Dios. Ja' la yac'beyic swentain at'el te levitaetic c'axemix ta jtab ya'wilalique.

Nehemías 2:20

Pero jich la calbey: —Te Dios ta ch'ulchane lec me ya xc'ootic yu'un. Te jo'otique yabatotic, ya xjajch'otic ta xcha'pasel xan te Jerusalén. Te ja'exe ma'yuc awat'elic, soc ma awentauc, soc ma alumaluc te Jerusalén —la cut.

Isaías 44:28

Jo'on ya calbey te Ciro: “Ja'at me jcanan-chijat cu'un ya xc'ot; ya me apas spisil te bila ya sc'an co'tane”, ya me cut. Soc ya calbey te Jerusalén: “Te ja'ate ya me awich' xan pasel”, ya me cut; soc te ja'at templo: “Ya me yich' aq'uel te awiptajibe”, ya me cut —xi' te Cajwaltique.

Isaías 45:4

Ta swenta xc'uxtayel cu'un te cabat Jacob, ja' te lum yu'un Israel te jtsaoje, la quic'at ta abiil soc la cac'bat awich' awat'el te ich'bilat ta muc' yu'une, manchuc me ma'yuc bay ya ana'bon jba te ja'ate.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

San Juan 4:9

Jich te samaria-antse la yal: —¿Bi yu'un ya ac'anbon ja' awuch'? Melel judioat, in te jo'one samariaon —xi' te antse. Yu'un te judioetique ma sc'an ya slac' sbaic ta c'op soc te samariaetique.

Hechos 8:21

Te ja'ate xujt' ma'yuc ta awenta spasel in to, melel ma tojuc awo'tan ta stojol te Diose.