Esdras 1:4 - Bible in Tzeltal de Oxchuc y Tenejapa

⁴ Spisil te judioetic ta bayuc nainemique ya me xcoltayotic yu'un te spat-xujq'ue. Ac'a yac'beyex plata, oro, soc spisil biluc yu'un, soc wacax, soc xan yan majt'anil te spasemal yo'tanic ya yaq'uic yu'un te templo yu'un Dios ta Jerusalén”, xi' te smandale.

Bible in Tzeltal Bachajón

⁴ Soc spisil te mach'atic hilemic, bayuc lugaril te nahinemic, ac'a scoltayic ta oro, biluquetic, chambahlametic, soc mahtaniletic scuenta sc'anojel yo'tanic yu'un te sna Dios te ay ta Jerusalén, xchi.

Esdras 1:4 ပူးပေါင်းရင်းမြစ်များ

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

1 Crónicas 29:3

Parte a te chajbanbilix cu'un ta spisile; ja'uc me to, ta swenta bit'il bayal sc'oplal ya caiy ta co'tan te templo yu'un te Dios cu'untique, ya me cac' uuc te oro soc te plata te ay cu'un jtuquele:

1 Crónicas 29:9

Te lume bin nax yo'tanic yu'un ta c'axem to xan, yu'un ay bayal la yaq'uic swenta spasel te templo. Melel ja' la yac'beyic te Cajwaltic ta swenta mero yutsil te yo'tanique. Jich te muc' ajwalil David mero bin nax yo'tan yu'un.

2 Crónicas 31:14

Te mach'a ya scanantay te yochibal templo te ay ta sloq'uib c'aal te Coré sbiil, te snich'an Imna, ja' swentainej te majt'anil te la yaq'uic ta spasemal yo'tanic ta swenta Dios te israeletique, soc ay ta swenta te ya yich' puquel te majt'anil ta swenta Cajwaltic soc te bitic ch'ultesbil ta stojol te Diose.

Esdras 1:3

Ja' yu'un mach'auquex a te ayex ta swenta te lum yu'un te Ajwalile, Dios me ya scoltayex, baanic ta Jerusalén te ay ta sq'uinal Judá ta spasel te templo yu'un te Ajwalil te Dios yu'un Israel, te nainem ta Jerusalén.

Esdras 1:5

Te jwentainwanejetic yu'un jujun na ta Judá soc ta Benjamín soc te sacerdoteetic, soc te levitaetique, ja'ic ta spisil te tijbot yo'tanic yu'un te Diose, la xchajban sbaic yu'un te bael ta Jerusalén, soc ta xcha'pasel xan te templo yu'un te Cajwaltique.

Esdras 9:15

“Cajwal Dios yu'un Israel, mero toj awo'tan ta jtojoltic. Ja'at jich la sc'an awo'tan te jtsojp te jayeb xan jilemotic, jich bit'il chican ta ilel ta ora in to. Ta mero melel jo'otic te ay jmultic ta atojole. Ja' yu'un, ma snup'in te ya xtalotic ta atojole —xi' ta sc'oponel Dios te Esdrase.

Éxodo 35:29

Spisil te israeletic, winiquetic soc antsetic, la yich'beyic tel smajt'an Dios yu'unic ta swenta spasemal yo'tanic, ja' te jayeb mach'atic te tijbot yo'tanic yu'un te ya yaiyic coltaywanej ta at'el, yu'un jich ya yich' pasel spisil te bila albil mandal yu'un Cajwaltic te Moisese.

Isaías 10:21

Ma me ayuc yipal te lum yu'un Jacob te ya sujt'ic ta stojol te Dios te ma'yuc ta tsalel stuquele.

Hechos 24:17

“Te bit'il c'axemix che'oxeb ja'wil cu'un ta beel ta yantic lumlumtique, jich sujt'on tel ta bay te jlumale. La quich' tel taq'uin swenta scoltayel te jlumale, soc ba cac'bey smajt'an Dios ta templo.

Gálatas 6:2

Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.