Esdras 1:3 - Bible in Tzeltal de Oxchuc y Tenejapa

³ Ja' yu'un mach'auquex a te ayex ta swenta te lum yu'un te Ajwalile, Dios me ya scoltayex, baanic ta Jerusalén te ay ta sq'uinal Judá ta spasel te templo yu'un te Ajwalil te Dios yu'un Israel, te nainem ta Jerusalén.

Bible in Tzeltal Bachajón

³ Mach'ayuc a ta awohlilic te ha pueblohex yu'un, Dios ac'a joquinotuc yu'un, mohan bahel ta Jerusalén te ay ta Judá, pasa te sna Jehová te Dios yu'un Israel, ha te Dios te ay ta Jerusalén.

Esdras 1:3 ပူးပေါင်းရင်းမြစ်များ

1 Reyes 18:39

C'alal la yilic te bi c'ot ta pasel, spisilic te mach'atic tey ayic a, la stinan sbaic coel c'alal ta lum, jich la yalic: —¡Ja' Dios te Cajwaltic, melel ja' nix Dios stuquel a te Cajwaltique! —xiic.

1 Reyes 8:23

jich la yal: —Cajwal Dios yu'un Israel, ni ta ch'ulchan ni ta balumilal ay yan Dios jich te bit'il ja'at, te ya awac' c'otuc ta pasel te trato apasoje, soc te ya awac' ta ilel yutsil awo'tan ta stojol te mach'a jun yo'tan ya yac' sba ta abatinel ta atojole.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

Esdras 1:4

Spisil te judioetic ta bayuc nainemique ya me xcoltayotic yu'un te spat-xujq'ue. Ac'a yac'beyex plata, oro, soc spisil biluc yu'un, soc wacax, soc xan yan majt'anil te spasemal yo'tanic ya yaq'uic yu'un te templo yu'un Dios ta Jerusalén”, xi' te smandale.

Esdras 4:3

Pero te Zorobabel, te Josué soc te yantic jwentainwanejetic yu'un juju-jchajp na yu'un israeletic, jich la yalbeyic: —Ma xju' teme ya jointiquex ta xcha'pasel te templo yu'un te Diose. Ta jtuqueltic ya jcha'pastic te templo yu'un Cajwaltic, te Dios yu'un Israel, melel jich la spasotic ta mandal te Ciro te muc' ajwalil yu'un Persia —la yutic.

Esdras 5:13

Ta patil te Ciro muc' ajwalil ta Babilonia, ta sbabial ja'wil yat'el a, la yal mandal te ya yich' xan cha'pasel te templo yu'un te Diose.

Esdras 5:3

Pero te Tatnai te ja' ajwalil yu'un te jpam q'uinal te ay ta smalib c'aal yu'un muc'ja' Eufrates, te Setar-boznai soc te sjo'taque ba yalbeyic: —¿Mach'a la yalbeyex mandal te ochex ta xcha'pasel xan te templo in to soc te ya awac'beyic xan ste'ele? ¿Bitic sbiilic te mach'atic yacal yac'belic ta cha'pasel xan te na in to? —xiic c'oel.

Esdras 6:7

ijq'uitayaic, ma me xacomic te ajwalil yu'un judioetic soc te jwentainwanejetic yu'unique te ya swentainic xcha'pasel xan ta yawil nix te templo yu'un te Diose.

Salmos 132:13

Te Cajwaltic ja' tsabil yu'un te wits Sión; la stsa yu'un ya xnain tey a.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Isaías 37:16

—Cajwal te Spisil ya xju' awu'une, Diosat yu'un Israel te tey ay amuc'ul nactijib ta sba te querubinetic, ja'at nax Diosat atuquel, yu'un ay ta awenta spisil te mach'atic ya xmandalaj ta balumilal; ja'at la achicnantes ch'ulchan balumilal.

Isaías 44:28

Jo'on ya calbey te Ciro: “Ja'at me jcanan-chijat cu'un ya xc'ot; ya me apas spisil te bila ya sc'an co'tane”, ya me cut. Soc ya calbey te Jerusalén: “Te ja'ate ya me awich' xan pasel”, ya me cut; soc te ja'at templo: “Ya me yich' aq'uel te awiptajibe”, ya me cut —xi' te Cajwaltique.

Isaías 45:5

Jo'on nax Ajwalilon jtuquel, ma'yuc yan; ma'yuc yan Dios jich te bit'ilone. Jo'on jchajbanejatix soc awip, manchuc me ma x'ana'bon jba,

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Daniel 2:47

Patil jich la yalbey te Daniel: —Ta mero melel, Daniel, te Dios awu'unic ja' mero toyol yu'un yantic diosetic. Ja' Ajwalil yu'un ajwaliletic, ja' ya xchicnantes te bitic wocol ta na'ele, melel ju' awu'un xchicnantesel te bila wocol ta na'ele —xi'.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Hechos 10:36

Dios la sticun ta alel ta stojol te israeletique te bit'il ya xju' te lamal q'uinal ya caiytic ta swenta te Jesucristoe, te ja' Ajwalil yu'un spisil te ants-winiquetique.

Deuteronomio 32:31

Mero sna'ojic te jcontrotactic te ma pajaluc soc te Jcanantaywanej cu'untic te jcanantaywanej yu'unic stuquelique.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.