Eclesiastés 7:3 - Bible in Tzeltal de Oxchuc y Tenejapa

³ Ja' lec te oq'uele; ma ja'uc lec te tse'eje. Manchuc me ya xbolob quelawtic yu'un oq'uel, pero xjamet ya xbajt' co'tantic yu'un.

Bible in Tzeltal Bachajón

³ Ha lec xan a te mel-o'tan te bin ut'il te tse'ej, yu'un teme ay ta mel-o'tan te sit yelaw ha lec ya xc'oht a te yo'tane.

Eclesiastés 7:3 ပူးပေါင်းရင်းမြစ်များ

Salmos 119:67

Te c'alal ma to x'ac'boton c'axuc jwocol bayal jowejon ta spasel te bitic ma lecuque, ta ora yo'tic jch'uunejbatix spasel te bila awaloje.

Salmos 119:71

Lec te bit'il ac'boton c'axuc jwocol, jich la jnopbat te mandaliletic awu'une.

Eclesiastés 2:2

Jich la jna' te jowil nax c'oem te tse'eje; soc ma'yuc swentail c'oem te smulanel yutsilal te q'uinale.

Eclesiastés 7:4

Te mach'a ay sp'ijile bayal bi ya snop yu'un te ya xlaje; yan te mach'a ma sna' q'uinal, ya xbajt' ta yo'tan spasel q'uin.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

San Lucas 6:25

“¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.