Eclesiastés 4:9 - Bible in Tzeltal de Oxchuc y Tenejapa

⁹ Ja' toyol c'oem te chebe, ja' peq'uel te mach'a jtul naxe. Melel te chebe ja' toyol ya xloc' sit te yat'elique.

Bible in Tzeltal Bachajón

⁹ Ha lec xan te cheb te bin ut'il jtuhl nax, como lec xan bin ya stahic yu'un te ya'telique.

Eclesiastés 4:9 ပူးပေါင်းရင်းမြစ်များ

Proverbios 27:17

Te taq'uin ya yich' juxel ye ta yan taq'uin, ja' pajal soc te mach'a ya sta sba ta c'op soc yan.

Génesis 2:18

Soc jich la yal te Diose: “Ma lecuc te stuquel ya x'ain te winique, ya me jpasbey snujp' te ya scoltay sba soque”, xi'.

San Marcos 6:7

La yic' tel te lajchaytul jpuc-c'opetic yu'une. Che'cheb la sticun bael, soc la yac'bey bael tulan yat'el ta sloq'uesel te pucuje.

Números 11:14

Te jo'on ma xju'ix cu'un swentainel jtuquel. Jich c'oemic te bit'il ijc'atsil te mero c'ax al ta jtojole.

San Juan 4:36

Te mach'atic ya sc'ajique, ya me x'ac'bot stojol sc'ab yu'un. Soc te sit c'ajoj te ya stsobique, sbajt'el q'uinal ya xcuxin, swenta yu'un pajal me ya xbujts'naj yo'tanic soc te mach'atic la yaiyic awale soc te mach'atic la yaiyic c'ajoje.

Hechos 13:2

Jun c'aal, c'alal la stsob sbaic ta yalel wocol ta stojol te Cajwaltique soc spasojic ayuno a, jich albotic yu'un te Ch'ul Espiritue: —Ac'bonic ta jwenta te Bernabé soc te Saulo te tsabiliquix cu'un ta spasel te at'ele —utotic yu'un.

Rut 2:12

Dios me ya stojat. Te Cajwaltic Dios yu'un Israel te tal ale coltayel yu'une, ya me xc'uxtayat, ya me scanantayat. Ya me smajt'antesat yu'un spisil te bitic t'ujbil apasoj tele —xi'.

Hageo 1:14

Te Cajwaltic jich la yac'bey xan jajch'el yip yo'tanic te Zorobabel, ja' te jwentainwanej yu'un Judá, soc te Josué, te ja' muc'ul sacerdote te swentainej te sacerdoteetique, soc te jayeb xan te ants-winiquetique. Chaneb xcha'winic (24) c'aal sjajch'el swaquebal u swenta xchebal ja'wil yich'bel yat'el ta muc' ajwalil a te Darío, jajch' spasic xan te templo yu'un te Dios cu'untique, ja' te Cajwaltic te Spisil ya xju' yu'une.

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Eclesiastés 4:10

Teme ya xyal te jtule, te yane ya me stam jajch'el. Pero ay me swocol stuquel te mach'a jtul nax ay teme yale, melel ma'yuc mach'a ya xtsacot jajch'el yu'un stuquel.

1 Crónicas 19:12

Jich la yalbey: —Teme ja' c'axem to xan ya xju' yu'unic te siriaetic a te bit'ilone, ja'at me ya xtal acoltayon. Teme ja' c'axem to xan ya xju' yu'unic te amonetic a te bit'ilate, jo'on me ya xtal jcoltayat.