Eclesiastés 1:3 - Bible in Tzeltal de Oxchuc y Tenejapa

³ ¿Bi ya xloc' yu'un a te winic te lom bayal ya x'at'ej ta balumilal?

Bible in Tzeltal Bachajón

³ ¿Bin ya xloc' yu'un a te winic yu'un spisil te ya'tel ya spas ta ye'tal ch'ulchan?

Eclesiastés 1:3 ပူးပေါင်းရင်းမြစ်များ

Eclesiastés 2:11

Jajch'on ta stsajtayel quil te bitic jpasoje, soc ta spisil te cat'el ay jwocol ta spasele, c'ot ta co'tan te mero tojol ta jyalel, te ja' pajal soc te yacuc jtsactic te iq'ue, soc te ma'yuc bi ya cu'unintic ta balumilale.

Eclesiastés 2:18

Ta spisil te at'eliletic la jpas ta balumilal, jc'axel ni jxujt'uc ay yutsilal la caiy ta co'tan. Melel ta spisil, ja' ya cac'bey jilel te mach'a ya x'och jilel ta jelole.

Eclesiastés 2:19

Jna'oj te puersa jich ya xc'ote, manchuc me p'ij o bol yo'tan, pero ya me yu'uninbon te p'ijil c'op te ay bayal jwocol te ju' cu'un stael li'to ta balumilale. Ja' yu'un, ja' nix jich, mero tojol ta jyalel.

Eclesiastés 2:22

¿Bi ya xloc' yu'un a jiche te winic te mero bayal ya x'at'eje, soc te mero ma'yuc jojch'el yu'un li'to ta balumilale?

Eclesiastés 3:9

¿Bi ya xloc' yu'un a te winic te mero bayal ya x'at'eje?

Eclesiastés 4:3

Manchuc ta xcha'chajbalic, ja' mero lec ayic te mach'atic ma to ba ayinemique, melel ma to ba yilojic te bitic amen ta pasel ta balumilale.

Eclesiastés 4:7

Yan xan la quil te bi mero tojol ta jyalel yac ta pasel ta balumilal:

Eclesiastés 5:16

Ja' mero mel-o'tantic sba ta melel. Melel te bit'il tale, ja' nix jich ya xcha'sujt' xan bael. Melel ¿bi ya sta a te mero bayal at'eje?

Eclesiastés 5:18

Te jo'one la jta ta na'el te bila lec ya sc'an pasel soc te bi mero t'ujbile: Ja' te we'el-uch'ele, soc te ya jc'ases co'tantic ta stuuntesel te sit te cat'eltique, te c'ax bayal jwocoltic ta at'el yu'un te jayeb nax c'aal la yac' cuxinucotic ta balumilal te Diose. Ja' nax cu'untic abi.

Eclesiastés 6:12

Ta mero melel, ma'yuc mach'a ya sna' bila lec ta stojol te ants-winic te jayeb c'aal ajtaybil te xcuxlejal te tojol c'oeme. Te jayeb c'aal ac'bil xcuxlejale, jich me ya xc'ax te bit'il axinale. ¿Mach'a ya x'albot yaiy yu'un te bila ya xc'ot ta pasel ta balumilal te c'alal lajemixe?

Eclesiastés 7:11

Buen lec te p'ijil-o'tanil soc ya xtuun yu'un te mach'atic cuxulic ta balumilale, teme ay nix bi ac'bil jilel yu'unine.

Eclesiastés 9:13

Ay xan yan te bila quiloj ta balumilal, jich ya quil te bit'il ay yich'oj mero muc' nopjibale:

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Eclesiastés 9:6

Tey ya xlaj a te xc'uxul yo'tane, te ilaywanej soc te bila xbiq'uet ta yo'tane; ma xyaq'uix sba a te bila ya yich' pasel ta balumilale.

Isaías 55:2

¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.

Habacuc 2:13

Te Cajwaltic te Spisil ya xju' yu'une ya me spasbat te ma'yuc yutsil ya xc'ot te awat'el soc te awocole; melel ta spisil te awat'ele ya me yich'ic lajinel ta c'ajc'.

Habacuc 2:18

¿Bistuc te loc'omba te ju'em ta pasele? ¿Bistuc te bila pasbil, te ja' nax ya yac' ta nopel lot? Te loc'ombaetic ma xc'opojic; ¿bit'il c'an smuc'ulin yo'tan te winic la spase?

San Mateo 16:26

¿Bila ya xloc' yu'un a te winic teme ya yu'unin spisil te balumilale teme ch'ayel ya xbajt' soc te xch'ulele? ¿Bila ya yac'bey ta sjelol te xch'ulel teme ch'aye?

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

1 Corintios 16:16

Ya calbeyex wocol te yacuc awich'ic ta muc' te mach'atic pajal yo'tanic soque, soc spisil mach'atic ya xcoltaywanic, soc te ya yac' sbaic ta abatinele.