Daniel 9:4 - Bible in Tzeltal de Oxchuc y Tenejapa

⁴ La jc'opon te Cajwaltic te Dios cu'une, jich la calbey ta jamal: —Cajwal, muc' Diosat te Spisil ya xju' awu'une, spisil ora ya awac' c'otuc ta pasel te bi ya achape, soc ya awac'bey yil xc'uxul awo'tan te mach'atic c'uxat ta yo'tanique soc te ya xch'uunic spasel te mandaliletic awu'une.

Bible in Tzeltal Bachajón

⁴ La jc'opon te Jehová te Dios cu'un, hich la jcal: Cajwal, muc'ul Diosat, te ayat ta xi'el, te yac awac' c'ohtuc ta pasel te chapbil-c'op soc yac ac'uxultay te mach'atic c'uxat ta yo'tanic soc te ya sch'uhunic spasel te mandariletic awu'une.

Daniel 9:4 ပူးပေါင်းရင်းမြစ်များ

1 Reyes 8:23

jich la yal: —Cajwal Dios yu'un Israel, ni ta ch'ulchan ni ta balumilal ay yan Dios jich te bit'il ja'at, te ya awac' c'otuc ta pasel te trato apasoje, soc te ya awac' ta ilel yutsil awo'tan ta stojol te mach'a jun yo'tan ya yac' sba ta abatinel ta atojole.

2 Crónicas 7:14

jich te lum cu'un te yich'ojbon te jbiile, teme ya xbic'taj, soc teme ya sc'oponon, soc teme ya xtal ta jtojol, soc teme ya yijq'uitay spasel te amen yat'ele, ya me caiybey sc'opic c'alal ta ch'ulchan, ya me jpasbey perdón yu'un te smulique, soc ya me cac' utsubuc xan te slumalique.

Esdras 10:1

Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

Nehemías 1:5

Jich la cal: —Cajwal Dios ta ch'ulchan, te muc' Diosat soc te ayat ta xi'ele, te stalel ay awu'un te c'op chapal awu'une, soc te jun awo'tan ta stojolic te mach'atic c'uxat ta yo'tanique, te ya yaq'uic c'otuc ta pasel te mandaliletic awu'une,

Nehemías 9:32

“Ja' yu'un yo'tic, Dios cu'untic, muc' Dios te spisil ya xju' awu'une, soc te ayat ta xi'ele, te cuxul awu'un te c'op chapal awu'un ta jtojoltique, soc te smuc'ul xc'uxul awo'tane, ayuc me sc'oplal ta awo'tan spisil te woclajel c'otix ta pasel ta stojol te muc' ajwaliletic cu'untic, te jwolwanejetic, sacerdoteetic, j'alwanejetic, soc te antiguo jme'-jtatic, soc ta spisil te yajwal lume, ja' to ta yorail te muc' ajwalil ta Asiria, c'alal ta ora in to.

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

Éxodo 20:6

Yan te mach'atic c'uxon ta yo'tanic te ya xch'uunbonic te jmandale, ya jc'uxtay jmil ta caj soc yal-snich'anic stuquelic.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Daniel 6:10

Te c'alal la yaiy te Daniel te la yac' sfirma, bajt' ta sna. La sjam te ventanaetic te banti ya xwaye, te ayic ta stojol bael Jerusalén. La squejan sba ta sc'oponel Dios soc ta yalel yutsilal. Jich la spas oxeb buelta ta jujun c'aal, jich nix te bit'il la spas spisil ora.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

Deuteronomio 5:10

Yan te mach'atic c'uxon ta yo'tanic te ya xch'uunbonic te jmandale, ya jc'uxtay mil ta caj soc yal-snich'anic stuquelic.

Deuteronomio 7:12

“Te bit'il la awaiyiquix te bila chapale, teme ya ach'uunic spasel baele, te Cajwaltic Dios cu'untic jun me yo'tan ya yac' c'otuc ta pasel te bila trato yu'une, soc te bila yalojbey ta stojolic te antiguo jme'-jtatique.

Deuteronomio 7:21

Ja' yu'un ma me xnijq'uex yu'un xiwel ta stojolic, melel sjoinejex te Cajwaltic te Dios cu'untique. Ja' muc' Dios stuquel te ay ta xi'ele.

Deuteronomio 7:9

Ja' yu'un na'aic me ta lec te bit'il te Cajwaltic te Dios cu'untic ja' mero Dios stuquel. Jun yo'tan ya yac' c'otuc ta pasel ta stojol ta cajalcaj sts'umbal te mach'a ay trato chapal yu'un soque, ja'ic te mach'atic c'ux ya yaiy ta yo'tanic, soc te ya xch'uunic spasel bael te mandaliletic yu'une.

Santiago 1:12

Bin nax yutsil te mach'a jun yo'tan ya xts'ijc' yu'un te swocole. Yu'un teme cujch' yu'un te swocole, ya me yich' corona swenta cuxlejal, ja' bi ja' te yaloj Dios te ya yac'bey spisil te mach'atic c'ux ta yo'tanic te Diose.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.