Daniel 8:4 - Bible in Tzeltal de Oxchuc y Tenejapa

⁴ La quil te chije, la sluch ta xulub ta stojol smalib c'aal, ta norte soc ta sur. Ma'yuc ni jcojt'uc yan chambalam ya xju' ya yac' sba ta stojol, soc te ya xju' ya xcol ta yip te xulube; ja' nax chican yo'tan bila la smulan spasel, soc mero muc' ya yac' sba stuquel.

Bible in Tzeltal Bachajón

⁴ La jquil te tat tuminchij la sluchticlan ta xulub ta stojol smahlib c'ahc'al, ta norte soc ta sur. Mayuc ni jcohtuc chambahlam te hu' yu'un te ya stsal sba soc, soc mayuc mach'a hu' yu'un ya scoltay sba ta yip te xulube. La spas te bin la sc'an yo'tan, soc xquechcon ta muc'ubel.

Daniel 8:4 ပူးပေါင်းရင်းမြစ်များ

1 Reyes 22:11

Te Sedequías snich'an Quenaana la spasix xulubiletic pasbil ta taq'uin, jich la yal ta aw: —¡Jich yaloj te Cajwaltic: “Ja' soc in xulubil to ya me awac'bey guerra te siriaetic, ja' to teme laj spisil awu'un!” xi' te Cajwaltic —xi' ta aw.

Job 10:7

manchuc me ana'oj te ma'yuc te jmule, soc te ma'yuc mach'a ya xju' ya scoltayon ta ac'abe?

Salmos 44:5

ja'at ta awenta te la jtsaltic te jcontrotaque; ja' ta awenta te ya jpech'antic ta teq'uel te cajcontrotique.

Salmos 50:22

“Ac'a c'otuc ta awo'tanic te bi la cale, ja'ex te ya ach'ay ta awo'tanic te Diose. Te jichuc co'tan ts'ubiltic ya xjilex cu'un, ma'yuc mach'a ya scoltayex.

Ezequiel 34:21

Te ja'exe, la acotp'inic bael te yantic ma'yuc yipique, jich c'ubic bael. La aluchic ta axulubic c'oem, jich bajt'ic ta anel.

Daniel 11:16

Te mach'a ya yochintay te q'uinale, ya me spas te bila ya smulan spasbeyel ta stojolic te mach'atic ya yich'ic tsalel yu'unique. Ma'yuc mach'a ya xju' bi ya x'albot yu'un, ya me x'ain tey ta Lumq'uinal Mero T'ujbil te xi' sbiile. Spisil ya slajin tey a te bitic ya xchicnaj ta stojole.

Daniel 11:36

“Te muc' ajwalil ta norte ja' me ya spas te bila ya smulane. Mero bayal me te stoybaile, asta ja' toyol ya scuy sba yu'un spisil diosetic, soc ya me yalbey mero ilaybil sba ixta c'opetic ta stojol te mero cuxul Diose. Spisil me lec ya xc'ot yilel te bitic ya spase, ja' to teme ticunbot castigo ta stojol yu'un te Diose. Melel te bila quechel ya spas te Diose, ya nix me spas stuquel a.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Daniel 5:30

Ja' nix ta yorail ta yijc'ubel q'uinal a, laj ta milel te Belsasar, ja' te muc' ajwalil yu'un caldeoetique.

Daniel 7:5

“Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Daniel 8:7

Jich la sc'asbey ta xchebal te xulube. Te tat chij jc'axel laj yip, jich ma ba ju' yu'un te ya stsac sba soque. Te tat tentsun la sjip ta lum te tat chij, la spech' ta teq'uel, ma'yuc mach'a ju' te coltayot yu'une.

Miqueas 5:8

Tey ayic xan a te sts'umbal Jacob ta yolil bayal nacionetic, jich me c'oemic te bit'il león-choj ta yolil te ja'mal chambalametic, jich bit'il león-choj ta stojol te jtsojp chijetic. Teme ya xtal, ya me stsac soc ya me sjin, soc ma'yuc mach'a cuxul ya scoltay bael.

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.