Daniel 8:3 - Bible in Tzeltal de Oxchuc y Tenejapa

³ La quil ta c'ubul ay jcojt' tat chij ay ta sti'il muc'ja'. Ay cheb xulub najt'ic, pero te june patilix loc' tel stuquel. Ja' najt' c'ot, ja' com jil te neelal to loc' tele.

Bible in Tzeltal Bachajón

³ La jquil mohel, ay jcoht tat tuminchij ta sti'il muc'ul-ha', soc ay cheb xulub; aunque naht schebalic, te june ha naht xan yu'un te yane, pero patil muc'ub bahel.

Daniel 8:3 ပူးပေါင်းရင်းမြစ်များ

1 Crónicas 21:16

C'alal la stoy sit te David, la yil ay ta yolil ch'ulchan te ch'ul abat yu'un te Cajwaltic, sloq'uesej ta sna te spuñal stsacoj ta sc'ab, ja' stojlinej bael te Jerusalén. Jich yu'un te David soc te mamaletic slapojic ch'ixal pac', la stinan sba coel c'alal ta lum.

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Esdras 4:5

Soc ay la yac'beyic majt'anil te sjo'tac ta at'el te ajwalile swenta smacjibal yat'el te judioetique. Jich ma ba ju' yu'unic spasel te judioetic te bila chapal yu'unic te jayeb c'aal te ay ta muc' ajwalil ta Persia te Ciro, asta ja' to te c'alal ay ta muc' ajwalil ta Persia te Darío.

Ester 1:3

Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Isaías 13:17

Ya jtijbey yo'tanic te media-winiquetic ta yilbeyel yo'tanic, ja' te mach'atic ma ja'uc ya xbajt' ta yo'tanic te saquil taq'uin, soc te ma ja'uc ya xlo'layotic yu'un te c'anal taq'uin.

Isaías 21:2

Xiweltic nax me sba te bila la yac'bon quil te Diose: Te mach'a muquen ya yac' ta c'abale, muquen me ya yac' ta c'abal abi, te mach'a jinwaneje, ya me xjinawan abi. Jajch'an, Elam. Wilumtaya, ja'ex mediaetic. Ma xcac' te ya xtal sc'anic xan parte.

Isaías 44:28

Jo'on ya calbey te Ciro: “Ja'at me jcanan-chijat cu'un ya xc'ot; ya me apas spisil te bila ya sc'an co'tane”, ya me cut. Soc ya calbey te Jerusalén: “Te ja'ate ya me awich' xan pasel”, ya me cut; soc te ja'at templo: “Ya me yich' aq'uel te awiptajibe”, ya me cut —xi' te Cajwaltique.

Jeremías 51:11

Te Cajwaltic ya sc'an sjin te Babilonia, soc la stijbeyix yo'tanic muc' ajwaliletic ta Media, jich nix ay ta yo'tanic. Ja'ix te spacol yu'un Cajwaltic te bila la spasbey te templo yu'une. Chajbanaic te yat'ejibal at'imique, soc chuca me ta ac'abic te amajq'uilique.

Daniel 10:5

Ora nax la quil chicnaj jtul winic. Te winique sc'u'inej lino-pac', te cinturón pasbil ta puro oro.

Daniel 2:39

Te c'alal ya xlaj yip te ajwaliletic awu'unic te ayic ta swenta Babilonia, ya me xchicnaj jchajp xan ajwaliletic te peq'uel yipe. Soc ta patil ya me xchicnaj jchajp xan te pajal yipic soc bronce.

Daniel 5:31

Te Darío te media-winique la yu'unin te at'el ta muc' ajwalile. Te Darío ay cheb xchanwinic (62) ja'wil ya'wilal a.

Daniel 6:28

Te Daniel stalel jil te bit'il ja' toyol yat'el te banti yac ta mandalteswanej te Darío, soc te c'alal jajch' ta mandalteswanej te Ciro, te ja' muc' ajwalil ta Persia.

Daniel 7:5

“Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Daniel 8:2

Te c'alal ay bila yacon ta yilel la caiy ae, ayon ta lum Susa ta jsejp sq'uinal Elam, ta sti'il muc'ja' Ulai la caiy.

Daniel 8:20

“Te tat chij te ay cheb xulube, ja' ya yalbey sc'oplal te muc' ajwaliletic yu'un Media soc Persia.

Zacarías 1:18

Ay yan bila la quil yilel, la quil chicnaj chaneb xulubiletic.

Zacarías 2:1

Ay to yan bila la quil yilel. Chicnaj tel ta jtojol jtul winic, yich'oj ta sc'ab ch'ajan swenta sp'isjibal.

Zacarías 5:1

Ay yan bila la quil yilel. La quil balbil ts'ibubil jun yac ta wilel ta toyol. La sjojc'obon te ch'ul abat:

Zacarías 5:5

Tal te ch'ul abat yacon ta c'op soque, jich la yalbon: —Ila awil te bila chican ta ilel —xi'.

Zacarías 5:9

La quil xan, chicnaj tel cheb antsetic, ay xiq'uic, yacalic ta lich'el bael yu'un ic'. Te xiq'uique, jich yilel te bit'il xic' muc'ul cigüeña-mute. Yacalic ta yich'el bael ta ic' te moch swenta p'isole.

Zacarías 6:1

Ay bila yan la quil yilel. La quil ta yolil cheb witsetic chaneb carretaetic yu'un guerra pasbil ta bronce.

Números 24:2

C'alal la yil Balaam spisil Israel ta bay scampamento ta chajbalchajp sts'umbale, te espíritu yu'un Dios wentainot yu'un te Balaam.

Josué 5:13

Jich c'ot ta pasel te c'alal nopol ay ta Jericó te Josué, la yil jtul winic teq'uel ta stojol, soc ay puñal ta sc'ab. Te Josué ba yil, la sjojc'obey: —¿Ja'at bal joyticat, o ja'at te jcontroticate? —la yut.

Apocalipsis 13:11

Patil la quil yan muc'ul chambalam te xi'bantic sbae, te loc' tel ta lumq'uinale. Ay cha'ch'ix xulub jich bit'il xulub te alal chije, ja'uc me to, jich sc'op te bit'il muc'ul chan te xi'bantic sbae.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.