Daniel 7:6 - Bible in Tzeltal de Oxchuc y Tenejapa

⁶ “Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

Bible in Tzeltal Bachajón

⁶ Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.

Daniel 7:6 ပူးပေါင်းရင်းမြစ်များ

Ezequiel 17:3

Jich xawalbey: “Jich la yal te Cajwaltique: ‘Ay jcojt' muc'ul águila c'ot ta Líbano, mero muq'uic te xiq'ue, muc' ya smac, potsol ta sc'uc'umal, mero bayal sbonil te sc'uc'umale. La stsac ta sni' te sni'il te cedro,

Daniel 10:20

Ja' yu'un jich la yalbon: “¿Ya bal ana' bila swentail te tal quilate? Yu'un puersa me ya jcha'ac'bey xan guerra te jcanantaywanej ch'ul abat yu'un Persia. Te c'alal ya xlaj co'tan soc ta guerra, ya me xtal te jcanantaywanej ch'ul abat yu'un Grecia.

Daniel 2:39

Te c'alal ya xlaj yip te ajwaliletic awu'unic te ayic ta swenta Babilonia, ya me xchicnaj jchajp xan ajwaliletic te peq'uel yipe. Soc ta patil ya me xchicnaj jchajp xan te pajal yipic soc bronce.

Daniel 7:4

Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Daniel 7:5

“Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Oseas 13:7

Ja' yu'un, jich me ya jpasbey ta stojolic te bit'il ya spas te león-choje, jich bit'il leopardo-choj te ya xmujc'taywan ta be.

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.