Daniel 7:5 - Bible in Tzeltal de Oxchuc y Tenejapa

⁵ “Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Bible in Tzeltal Bachajón

⁵ Patil la jquil yan chambahlam, pajal yilel soc oso, te jehch smochbaquel toyol xan te bin ut'il te yane. Scats'oj ta ye oxch'ix moch-bac, hich halbot: Hahchan, ti'a bayel ti'bal, xchi sc'oblal.

Daniel 7:5 ပူးပေါင်းရင်းမြစ်များ

2 Reyes 2:24

Te Eliseo la sut sba ta stojolic, la yil bael: —Yo'tic ya me yac'bat castigo te Cajwaltique —la yut. Ora loc' tel ta ja'mal cha'cojt' osoetic, milotic yu'un cheb yoxwinic (42) ta jtul queremetic.

Proverbios 17:12

Ja' lec ja'uc ya jta jbajtic soc me' oso te jajch'em sc'ajc'al yo'tan yu'un te elc'anbot te yale; te manchuc ja'uc ya jta jbajtic soc te mach'a ma sna' q'uinal te ay bila ya sc'an ya spase.

Isaías 56:9

La'ic me, jti'awal chambalametic; la'ic, chambalametic te ayex ta ja'male, bic'a bael ta ti'el te chijetique.

Daniel 11:2

Yo'tic ya cac'bat ana'bey sba te bila smelelile: “Ya to me x'at'ejic ta muc' ajwalil oxeb winiquetic ta Persia. C'alal ya xlaj yat'elic, ya me yich' yat'el swenta xchanebal muc' ajwalil jtul winic te c'axem jich sc'ulejal a te bit'il oxtul yantique. Te c'alal ya sta yip ta swenta sc'ulejal, ya xchajban sba ta sjajch'el c'op ta stojol te nación Grecia.

Daniel 2:39

Te c'alal ya xlaj yip te ajwaliletic awu'unic te ayic ta swenta Babilonia, ya me xchicnaj jchajp xan ajwaliletic te peq'uel yipe. Soc ta patil ya me xchicnaj jchajp xan te pajal yipic soc bronce.

Daniel 5:28

PARSIN te xie, te bay c'alal awentainej ta muc' ajwalile, la yich'ix xet'el soc ya me yich' ac'beyel medoetic soc persaetic, xi' c'oem —xi' te Daniel.

Daniel 7:4

Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Daniel 7:6

“Te yoxebale, pajal yilel soc leopardo-choj, pero ay chaneb xic' ta spat, soc la quil ay chaneb sjol. Te leopardo-choj la yich' ac'beyel yip ta mandalteswanej.

Oseas 13:8

Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.